في تصريحات مثيرة، وجه الإعلامي سيف زاهر نصيحة مباشرة للمدير الفني للنادي الأهلي، مارسيل كولر، بشأن حراسة مرمى الفريق، مطالبًا بإعطاء الفرصة للحارس الشاب مصطفى شوبير بدلاً من الاعتماد على محمد الشناوي في الفترة الحالية.
تصريحات سيف زاهر:
قال زاهر:
> “كولر لو عاوز يحمي الشناوي، يقعده ويدفع بمصطفى شوبير. الشناوي فنيًا مش في أفضل حال دلوقتي، لأن كثرة التجارب والأخطاء بتأثر على رصيده الفني. الأفضل إنك تقعده شوية لحد ما يرجع لمستواه الطبيعي”.
وأضاف:
> “جزئية إن الشناوي مبيقعدش على الدكة لمصلحة مصطفى شوبير خدت منه كتير. الناس بدأت تسأل: إيه السبب؟”.
فرصة مصطفى شوبير:
أشاد زاهر بالحارس الشاب قائلاً:
> “مصطفى شوبير شغال بصبر واجتهاد وبيستحق الفرصة. دلوقتي هو الوقت المناسب إنه ياخد فرصته في المباريات، وده الحل الصحيح اللي بنطالب بيه كولر”.
واختتم زاهر تصريحاته برسالة إلى الجهاز الفني:
> “إشراك مصطفى شوبير مش تقليل من الشناوي، بالعكس، ده للحفاظ عليه وإعادته لمستواه. الأهلي محتاج المنافسة بين الحراس، ومصطفى جاهز دلوقتي إنه يثبت نفسه”.
شاهد الفيديو
