دافع الإعلامي كريم حسن شحاتة، عن مجلس إدارة الزمالك بسبب هجوم الجماهير ضدهم ووجه رسالة هامة للجمهور.
وقال شحاتة، خلال تصريحات تليفزيونية عبر برنامج “كورة كل يوم” على قناه “الحياة”:” عايز اوجه كلمتي إلى جمهور الزمالك، لاني شايف الجماهير ماسكه جماهير الزمالك مبهدلينهم ولازم يمشوا”.
وتابع:” عايز اقولهم مفيش مقارنه بين الزمالك والأهلي في الفلوس، ده كلامي للناس اللي بتهاجم كابتن حسين لبيب لان هنا هدافع عن كابتن حسين لبيب “.
وأردف شحاتة:” الناس دي عليها فلوس رهيبه ومستلمين تركه صعبه جدا من المجالس السابقه، وغرامات ومديونات رهيبه، هيعملوا ايه يعني الموضوع صعب جدا “.
وأشار:” هتقولي ما هما كانوا داخلين وعارفين ووعدوا الناس، لكن التركه تقيله ومفيش مقارنه بين الزمالك والأهلي لان الأهلي مستقر مالياً ومعاه فلوس ومعندوش اي أزمات ماليه ومعندوش ديون زي الزمالك”.
وشدد شحاتة:” في حاجه مش عايز اقولها في التلفزيون، والله لو مين مسك الزمالك في أمور فوق طاقه البشر والله ما حد يقدر يستحملها، اه في أخطاء طبعا لكن مش لدرجه التطاول والتشايم “.
وأكمل:” أنا بقولكم في ناس في المجلس عايزه تقدم استقالتها من كتر الشتائم اللى وصلت ليهم، بقول للجمهور اهدوا شويه”.
وواصل شحاتة:” في ناس بتتكلم دلوقتي عن المجالس السابقه، كل اللي فيه الزمالك ده بسبب تصرفات المجالس السابقه ومكنوش بيعملوا حاجه اللي يشتكي يشتكي وكانت في قضايا على الزمالك وفلوس قد كده بس الناس بتنسى، لازم الناس تساند المجلس الحالي لان الناس دي بتحاول تحل الأزمات وبتعمل فوق المستحيل لأنها بتنافس وبتكسب بطولات وهما مديونين وبيستلفوا “.
وزاد:” الجماهير عايزه الزمالك يكسب كل البطولات ويكسب افريقيا ويدفعوا كل الديون وكل المستحقات ويعملوا كل حاجه في وقت واحد وده صعب جدا جدا جدا، أنا لو مكان كابتن حسين كنت طلعت قولت أنا مش هقدر انافس واجيب لعيبه كبيره وبطولات كل ده في وقت واحد واصارح الجماهير، أنه لازم صبر “.
وأستأنف شحاتة:” صعب جدا المجلس يدفع كل ده في وقت واحد يجدد اللعيبه ويدفع مستحقات ويدفع ديون ويسدد الالعاب الجماعيه ورواتب العمال والموظفين كل ده في وقت واحد صعب جدا”.
وأختتم: “بقول لجماهير الزمالك اهدوا وبصوا في جدول الدوري وشوفوا الزمالك والأهلي معاهم كام نقطه والزمالك مش مستقر ولا معاه فلوس والأهلي معاه فلوس ومستقر ومعاه كل حاجه”.
شاهد:
