كريم حسن شحاته يفجر مفاجأة مدويه بشأن اتفاق الزمالك مع مدير فني جديد ومنصب آخر لجروس- فيديو

فجر الإعلامي كريم حسن شحاته، مفاجاة مدويه بشأن اتفاق مسئول في الزمالك مع البرازيلي روجيرو ميكالي المدير الفني السابق لمنتخب مصر للشباب، لتدريب الفارس الابيض في حال تراجع نتائج الفريق.

وقال شحاتة في تصريحات تليفزيونية عبر قناه “الحياة”:” وصلنا معلومة أن أحد الوكلاء اللي ليه منصب في نادي الزمالك أو قريب من الإدارة ومسئول بالنادي يعني اتكلم مع ميكالي بعد رحيله عن منتخب مصر للشباب”.

وتابع:” الزمالك كان اصلا عايز يجيب ميكالي من الأول قبل جروس ولكن بسبب الشرط الجزائي ومشكلته مع اتحاد الكرة في عقده معرفوش، فهو حاليا بقى حر “.

واردف شحاتة:” كمان حصل كلام مع ميكالي في العقد وأنه يبقى سنتين ونصف وراتب 80 الف دولار في الشهر بس مستنين لو حصل دروب لجروس”.

واكمل:” واحد يقولي يا عم كريم ازاي ده؟ طيب ما هو جروس هيطالب بشرط الجزائي؟ احنا قعدنا ندعبس وندور ولقينا أن الفكر اللي موجود أنه يخفض راتبه ويتولى منصب المدير الرياضي أو المستشار الرياضي في الزمالك لو النتائج ساءت يعني “.

واتم:” ناس هتطلع تشتمني وتهاجمني وتقولي اني بسخن الدنيا، لكن أنا بقول خبر لقدام وبقولكم ابقوا افتكروا كلامي”.

شاهد:https://youtu.be/p5V744z3_cU?si=jFJ8DYoH7-gKHQ_i