في تصريحات مثيرة، تحدث محمود عبد المنعم كهربا، مهاجم النادي الأهلي، عن أسباب ابتعاده عن المشاركة في المباريات الفترة الأخيرة، مؤكداً أن غيابه ليس بسبب تألق أي لاعب آخر، بل بسبب تقصيره الشخصي في حق نفسه.
وقال كهربا: “ابتعادي عن المشاركة هو تقصير مني، مش تألق من وسام، أنا بصراحة قصرت في حق نفسي. وسام لعيب كبير جدًا وأنا راضي إنه يبدأ طالما بيكسبنا، لكن اللي مش راضي عنه هو ابتعادي عن المشاركة، خصوصًا لما بيبقى عندك ماتش كبير، وتلاقي نص الفريق بعيد عن المشاركة، ولما تحتاجهم مش بتلاقيهم. ده اللي حاصل دلوقتي، لعيبة مستنزفة بدنيًا وناس تانية مش بتلعب بقالها فترة كبيرة.”
الحديث عن مغادرته للأهلي
وأكد كهربا أنه لم يفكر في مغادرة الأهلي، وقال: “أنا ممشيتش من الأهلي، وعمري ما هَمشي. لسه فاضل شوية رتوش على انتقالى للإتحاد الليبي، لكن لما جاء الاتحاد الليبي للتفاوض معايا، الأهلي كان موجود لأنه بيتي.”
وأردف: “لو مشيت من الأهلي هتعب نفسيًا، وهحتاج فترة كبيرة علشان أتعافي. أنا ماشي 6 شهور بس، والدنيا بتلف بيا، مش متخيل لحد دلوقتي.”
إغلاق الملف
وأغلق كهربا الحديث عن أسباب مغادرته قائلاً: “محدش يعرف أنا مشيت ليه غير اللي في الموضوع ده، خلينا قافلين الموضوع ده. بيني وبين النادي محدش يعرف غيرهم أنا مشيت ليه.”
تأتي تصريحات كهربا لتكشف عن مشاعر اللاعب تجاه الوضع الحالي في الفريق والأسباب التي أدت إلى ابتعاده عن المشاركة، إضافة إلى توضيح موقفه من رحيله المحتمل عن الأهلي.
شاهد الفيديو
