كشف الإعلامي محمد المحمودي، سر مهلة والد نجم الزمالك أحمد مصطفى زيزو، لمسئولي الفارس الأبيض، بعد تعثر مفاوضات التجديد.
وقال المحمودي، في تصريحات تليفزيونية عبر برنامج “هاتريك”، على قناة” أون تايم سبورتس 2″:” براحه وبهداوه كده علشان الموضوع معقد، موضوع زيزو مع الزمالك وصل لحد فين؟”.
وأضاف: “الزمالك كان اتفق مع زيزو على تجديد عقده براتب سنوي 75 مليون جنيه لمدة 3 مواسم، هذا الاتفاق تم الموافقه عليه من زيزو ووالده ونادي الزمالك.. طيب المشكله فين؟”.
وشدد المحمودي:” المشكله ان الزمالك ممعهوش سيوله يدفع المبالغ دي دلوقتي، طيب الاستاذ ممدوح عباس أو المحبين لنادي الزمالك، الناس عليهم مسؤوليات كتيره لان النادي عليه ديون وغرامات والتزامات كتيره”.
وأردف:” الزمالك النهارده مفيش كاش انك تدفع مقدم تعاقد زيزو، مجلس الإدارة حاليا عنده اجتماع بكره لان والد زيزو مدي مهله للإدارة لحد يوم الخميس .علشان ايه؟ “.
وزاد المحمودي:” رقم واحد، يوم الخميس يا باشا معاك فلوس ادفع ونمضي، الخميس معكشي فلوس أنا جايبلك بدل العرض عشره 3 في الشتاء و7 في الصيف”.
وواصل:” الإعارة مش مقبوله من والد زيزو، هما عايزين يبقى في تجديد واتفاق واضح وبعدين نتناقش دون وجود مبدأ الإعارة “.
وأستطرد المحمودي:” لو الزمالك معهوش المبلغ ومش عايز يسيب زيزو، عندك حل من الإثنين أتنازل عن مستحقاتي الموسم اللي فات والموسم ده وسبني امشي في يناير، لأ أنا قافش فيك، اوك الحل الأخير أنا هستمر معاك لنهايه الموسم وشكرا جزيلا تنتهي تجربه زيزو مع نادي الزمالك “.
وأكد؛” ماذا عن عرض نادي الاتفاق؟ نادي الاتفاق انسحب من الموضوع لان كان في مماطله وزيزو كان هياخد 500 الف دولار عن ال6 شهور والزمالك أتأخر في الرد والاتفاق قريب من لاعب برازيلي “.
وأستانف المحمودي:” علشان كده جلسه يوم الخميس حاسمه في ملف زيزو لكن ما هو مؤكد أن الزمالك مفهوش فلوس يدفع مقدم العقد، النيه أن الزمالك كان عايز يجدد لزيزو ومن ثم يطلعه اعاره ويستفيد منه بمبلغ كبير فاقدر اوفر سيوله ماليه”.
وأتم:” وده اللي زيزو مش عايز يتفق عليه قبل ما يشوف تجديد بمقدم عقد وأرقام واضحه وده الموضوع من أوله لاخره وكل يوم في مستجدات”.
شاهد:
