ميدو يطلق تصريحات نارية بشأن وضع الزمالك الكارثي.. ويضع روشتة لحل الأزمات الفنية! صورة

علق النجم أحمد حسام ميدو، لاعب الزمالك ومنتخب مصر السابق، على أحوال الفريق الأول لكرة القدم، كاشفًا عن ما يحتاجه الفريق من أجل عودة الروح والمنافسة على الألقاب هذا الموسم”.

وكتب ميدو عبر حسابه الرسمي بمنصة “أكس”: “خلاصة حال الزمالك اللاعيبه دي مش هتلعب 100 الـ 100 إلا لما ياخدوا مستحقاتهم، مش هتاخد من اللاعيبه الروح والشراسة والإصرار على المكسب إلا لما ياخدوا مستحقاتهم”.

وتابع: “وبصراحة اللاعيبة دي أكتر لاعيبه استحملت في مصر، لكن أنا ماقدرش أحاسب حد مابديلوش حقوقه غير إن موضوع زيزو طول وبوخ وليه تأثير كبير على استقرار الفريق لازم deadline لنهاية موضوع زيزو إما الرحيل أو البقاء”.

وأضاف في تدوينة أخرى: “الزمالك محتاج نمره 6 جامد بيعرف يحمي قلوب الدفاع، ويعرف يغطي الأظهره بشكل جيد لما بيتقدموا مدافعين الزمالك متعريين بلغة الكورة”.

واختتم: “الأولويات التخلص من اللاعيبة إللي بتكلفك فلوس ومش بتستفيد منهم دفع مستحقات اللاعيبة والتعاقد مع مساك جامد ولاعيب نمرة 6 تقيل عنده خبرة وجناح شمال جامد وأخيرا حسم موقف زيزو في أسرع وقت ممكن”.