فتح حمادة عبداللطيف، نجم الزمالك السابق، النار على لاعبي الفريق بعد الخسارة أمام بيراميدز، ضمن منافسات بطولة الدوري المصري الممتاز.
وقال عبد اللطيف، في تصريحات تليفزيونية عبر قناة “الزمالك”:” مسلسل النكد والعكننة مستمر، أنت تأخذ الملايين وتطالب بعشرات الملايين ثم نتعرض لمثل هذه الهزيمة الكارثية، أين لاعبي الزمالك والنجوم الذين نعتمد عليهم؟، بيراميدز كان رحيمًا بنا، كان يستطيع أن يفوز بـ4 أو 5 أهداف، يجب أن يعرف اللاعبون قيمة قميص الزمالك”.
وأضاف: “اتمنى اللاعب اللي عارف قيمة التيشرت يستنى، الزمالك باقي واكبر من اي حد، ما حصل هزيمه كارثية لازم مجلس الادارة ياخد قرارت عاجله، واللي عاوز الزمالك اهلا به واللي مش عاوز الباب يفوت جمل”.
وشدد عبد اللطيف:” اللي عاوز الزمالك اهلا به مش عاوزه النادي مش هيقفل، ماتلعب يا اخي وأدي في الملعب وفي ملايين بتشجعك ويكون في روح، هل دي لعيبة الزمالك؟ لوهم لا طلع ناشئين بقى”.
وأردف: “علشان منضحكش على الناس، المستوى بيظهر امام الفرق القويه النجم يظهر امام بيراميدز والاهلي، وطبيعي تفوز علي الجونة”.
وواصل عبد اللطيف:” بتأسف للجمهور ومش لاقي مبرر نقوله اتمنى دي تكون بدايه لثورة تصحيح، اللاعب اللي عاوز الزمالك يستني، واي لاعب مش عاوز مع السلامة والزمالك هيفضل، قاعدين شهور في ازمة تجديد لاعب لازم قرارت مهمه من الادارة”.
وأختتم:” انزل والعب انت لابس تيشرت الملكي انزل وأدي، الواقع مرعب ومخيف، اتمنى القادم يكون أفضل ويحصل ثورة تصحيح وتيشرت الزمالك شرف لاي حد”.
