أحمد سامي يفتح النار على لجنة الحكام بعد خسارة سموحة أمام بيراميدز.. شكوى وطلب عاجل

أكد أحمد سامي المدير الفني لفريق سموحة، أن النادي ارسل شكوى رسمية يطالب بإقالة لجنة الحكام بالكامل بسبب الأخطاء التحيكيمة في بطولة الدوري الممتاز.

وقال سامي في تصريحات تليفزيونية ببرنامج الكورة مع فايق، عبر قناة “أم بي سي مصر 2:” الحكم اثر علي نتيجة المباراة، ما يحدث هو أمر مريب من التحكيم المصري وهناك شك في كل ما يحدث بسبب الأخطاء التحكيمية في الدوري الممتاز هذا الموسم وقدمنا شكوي وطالبنا برحيل لجنة الحكام”.

وتابع:”مش متخيل اللي قاعد على الڤار يكون ابن عزب حجاج اللي بيعين الحكام وما يحدث غريب ومريب والمسطرة مش واحدة”

وأردف سامي:” انت بتلاعب بيراميدز فريق كبير جدا وعامل شغل كويس واقوى مني، لكن انا كنت اقوى فنيا النهارده هم اسكواد عالي ومفاتيح لعب كثيرة، ضربة الجزاء في الدقيقة 9ج تنهي الماتش ولم تحتسب لنا”.

وأكمل: ” المااش ده مفيش فيه توفيق وعدم توفيق، ولكن ربنا ميرضاش بالظلم، لازم كابتن هاني ابوريده يدخل، انت عامل دوري استثنائي يبقى الحكام استثنائيين، ومتجبش خبير اجنبي ويختار الحكام مصري يبقى عملنا ايه”.

واختتم: “جيب خبير اجنبي يطور الڤار اللي قاعدين يشربوا شاي وخط اللي بيترسم بيتعمل بقلم فلوماستر، لازم طقم اجانب وليس رئيس حكام فقط”.