هاجم أحمد شوبير مقدم برنامج حارس الأهلي على شاشة قناة الأهلي، المدير الفني للفريق الأول لكرة القدم بعد تعادله مع الزمالك بالأمس.
وقال أحمد شوبير عبر قناة الأهلي : ” في فارق بين الزمالك والأهلي في الاستقرار والكوالتي وكل شيء ”
وتابع : “فضلت اقول هنا قبل المباراة باسبوع يا جماعه فريق الزمالك محترم ومعاه مدرب جديد وعاملين معسكر ومركزين ولازم الحذر “.
وواصل : “امبارح أنت بتتقدم بالهدف الأول عن طريق بن شرقي وفجأة خطأ جماعي مش هقول اسم حد لا هو خطأ جماعي من اللعيبه كلها يجيي هدف التعادل وفي أخطاء مركبه”.
وشدد : “وممكن كمان كنا نخسر من الزمالك في الاخر بكورة طايشه ولا حاجه”.
وأكمل: ” معندناش وقت خلاص نضيعه ولا فرص للتعويض بعد كده، أنت فاضلك مباراتين على المرحله الأولى و8 في المرحله النهائيه “.
واضاف : ” حلو انك تقفل التدريب ومحدش يشوفه ماشي … مفيش تصوير ماشي .. مفيش حد يتكلم ماشي.. طيب وبعدين احنا عايزين نكسب “.
وأوضح: ” كولر بعد كل مباراة فيها تعادل أو هزيمة، بيجيب اللعيبة من الاستاد على النادي، مبيعملوش اي حاجة ولا اجتماع ولا تأنيب، بيخليهم يمشوا من هناك”.
وأتم :” الإدارة عملتلك كل حاجه وكل اللي طلبته وشاورت عليه جالك ومفيش حاجة نقصاك وصفقات وجت ومستحقاتك بتاخدها والهدوء والاستقرار موجود واوضة اللبس على أحسن ما يكون، ايه المطلوب تاني وليه نضيع كل النقاط دي قدام الاتحاد وفاركو وإنبي والبنك الأهلي وبيراميدز والزمالك.. ليه كل ده؟”.
