هاجم أحمد عيد عبدالملك عبر برنامج بوكس تو بوكس قرار رحيل جروس عن تدريب الزمالك.
وقال أحمد عيد عبر برنامج بوكس تو بوكس على قناة etc : ” لو انا كنت موجود في الزمالك مكنتش هوافق على رحيل جروس”.
وتابع : ” رحيل جروس قرار غلط، وايه ممكن كان هيضيفه بيسيرو للفريق قبل مواجهة الأهلي وايه اللي اختلف النهارده عن قبل كده او ايه الإضافة؟”.
وواصل : ” أنا بحترم بيسيرو جدا ولكن التوقيت صعب جدا .. هيعمل ايه في الوقت الضيق ده”.
وأكمل: ” كان ممكن اسيب جروس فتره لو الدنيا قفلت يبقى حتى بيسيرو جاي يلعب على هدف الكونفدرالية مثلا .. بيسيرو مفروض أنه يجي على بدايه موسم أصلا “.
وشدد : ” جروس ماشي وهو فايز مباراتين ورا بعض .. نتائج ايه اللي بتتكلم عليها”.
وتابع : ” رأيي في أداء جروس؟ جروس ممكن مش بيطور أداء اللعيبه ولكن بيدير المباريات بشكل كويس وبيعمل تغييرات، ولكن حالة اللاعبين في الفترة الماضية مساعدتوش “.
وأوضح : ” فين الصفقات الجديدة النهارده! أنت روحت جبت 4 لعيبه مفيش حد بدأ النهارده.. جهاد موقوف لكن احمد حسام فين ومصدق فين والجفالي فين”.
وسرد : ” الزمالك تعاقد مع لاعبين جيدين هيظهروا على المستوى البعيد مش في الوقت الحالي، والزمالك محتاج لاعبين قادرين على صناعة الفارق ومساعدة النادي في التتويج بالبطولات”.
وأتم : ” وعود مجلس الإدارة لم يتم تنفيذها في فريق الكرة إلا 20% فقط منها، وفي العديد من الأزمات في الفريق مالية وإدارية، الزمن رجع، في أسماء في مجلس الإدارة لن أنتخبها”.
شاهد :
