فجر أمير عزمي مجاهد بعض الحقائق الغائية بعد رحيلة عن الزمالك في جهاز السويسري كريستيان جروس.
وقال أمير عزمي مجاهد عبر شاشة قناة ام بي سي مصر 2 : “جروس من يوم 16 ديسمبر وحتى 28 يناير النادي فين من طلباته، إن قدمت ليه إيه، هو رحل ولم يفشل فاز آخر مباراتين، المهم الفوز، قل لي كام مباراة الراجل ده لعب بفريق كامل، ومع ذلك هذه المباريات المفترض تخطف وتجري وهذا ما كان يحدث”.
وتابع : ” جروس كان طلب صفقات أخرى غير اللي النادي تعاقد معهم، لكنه وافق عليهم بسبب الأمور المادي، هو كان طالب مدافع ومهاجم وظهير أيسر، كانوا أجانب، وكان عايز يرجع أوباما ومحمود علاء، لكن هو عرف الوضع وقال تمام، واشتغل رغم الإصابات وإن اللاعبين لا يحصلون على مستحقاتهم.”.
وواصل : ” الجفالي ومصدق عُرضوا عليه ووافق، وكان يريد لاعب في شباب المحمدية، ولكنهم قالوا له إن ناديه يصارع في الهبوط، وبعد ذلك اللاعب انتقل لـ الوداد، هناك أحد السماسرة يخرب كل شيء، مش عارف هو ماسك إيه على النادي، سمسار واحد سيضع النادي في خبر كان”.
وأضاف : ” القصة مش محتاجة إني أتكلم مع الإدارة، أنا مدرب عام، هو بعد صفقة زياد كمال وعقده القصة محتاجة إني أتكلم؟! أنا اتكلمت في اجتماع مع الإدارة وخرجت وشعرت إنهم زعلوا مني، لأنني قلت هذا الكلام، لأني رجل حر ولا أفكر في البقاء فتنرة طويلة في الزمالك، أنا جروس هو إللي كلمني عشان أجي الزمالك، لكن مفيش حد من الإدارة كلمني، هو قالي تعالى الملعب جيت، مفيش حد من مجلس الإدارة رفع عليا سماعة تلفون، لكن أنا رحت لـ الزمالك”.
وشدد : ” أنا بشكر الناس كلها إللي طلبت إني أبقى، لكن أنا عندما جئت لم يكن على هوى ناس كتير، ولما المدرب مشي أنا مشيت وقالوا مع السلامة والقلب دعيلك”.
وأتم : ” الله أعلم القرار كان عند مين، لكن أنا بحترم نفسي ولو اطلب مني العودة لنادي الزمالك سأعود، أنا مكنش معمول ليا عقد، وجروس هو إللي طلب يتعملي عقد، لكن أنا مكنش في دماغي، عشان أنا مش في دماغي أستفيد من ورا الزمالك وأعمل بطل أمام الجماهير وأنا بستفيد زي ناس”.
