كشف امير عزمي مجاهد كواليس تواجده في الجهاز الفني لنادي الزمالك مع السويسري جروس.
وقال عبر قناة ام بي سي مصر 2 : ” كنت انقل لـ جروس كل شيء يُقال عنه وعن طريقة اللعب وكان يرد بشكل واقعي، يعني قلت له إن الناس بتتكلم إنت ليه بتشارك بنتايج وفتوح في الوسط، قال لي فتوح لسه راجع ليس من فترة طويلة ومعدلاته البدنية أقل، لذلك يلعب في وسط الملعب هذه الفترة، هل أنا المطلوب أطلع أوضح ده!”.
وواصل : ” في 2019 مكنش بيحصل كل المشاكل دي عشان كان كل الموجود أمناء ومكنش فيهم حد خاين”.
وتابع : ” جروس كان بيحضر لمباراة الأهلي، كان عايز يواجه كولر لأنه كان مدربه في وقت سابق، وكان حاسس إنه هيكسب الأهلي، لكن إللي اتقال إلحق يا جدع ده لازم يمشي عشان هيخسر من الأهلي”.
وشدد : ” نتيجة مباراة بيراميدز كانت كبيرة، الشيء السلبي إن بعد الهدف الأول اللاعبين فكت، ودي النقطة إللي ضايقت جروس”.
وأتم: ” نسبة نجاح جروس عن ولاية جوميز في بدايته كانت أحسن، لكن إحنا كل 24 ساعة كل شوية الراجل هيمشي، لكن جوميز كان يجد الدعم”.
