بعد إنضمامه لها.. حازم إمام يكشف أسماء لجنة الكرة بالزمالك وعدد الصفقات الجديدة- فيديو

كشف حازم إمام، نجم الزمالك السابق، عن تواجده في لجنة الكرة الجديده بالفارس الأبيض واسماء باقي الأعضاء وعدد الصفقات الجديد.

وقال إمام في مداخلة هاتفية ببرنامج “ملعب أون”، عبر قناة “أون تايم سبورتس 1″:” اول لما كلموني في الزمالك امبارح وافقت مش هتأخر طبعا، واي حد اطلب منه التواجد يساعد وافق، ربنا يكرم ونلحق نتعاقد مع صفقات قوية”.

وتابع: “معنا كباتن ميدو و هيثم فاروق، ونادر السيد ومحمد ابوالعلا، كلهم ناس ببحبوا النادي وبنتواصل مع كابتن حسين وعمرو الجنايني بصفته في لجنة الاستثمار”.

وشدد إمام:” معرفش وضع النادي بالنسبة للامور الماليه، احنا بنقوم بدورنا ككرة، نسير بشكل جيد في لجنة الكرة، وأُغلق سوق الانتقالات في جميع الدوريات، لكننا سنبذل قصارى جهدنا، لم ننهِ التعاقد مع لاعبين جدد حتى الآن، لكننا سنتعاقد مع صفقات جديدة بالتأكيد قبل يوم 8 فبراير”.

واشار: “معرفش مصير اللجنه دي ايه وهل مكمله او لا، الوقت ضيق ونعمل كلنا باقصي جهد لكن باحترافيه وربنا يعمل اللي فيه الخير، لن تزيد الصفقات عن 5 لاعبين”.

وواصل إمام:” الزمالك من غير صفقات بعيد 4 نقط عن المتصدر في الدوري، ولسه عندك اصابات، وعندنا لعيبه كويسه، لكن محتاج تدعيمات لان الدور الثاني 8 مباريات مهمه، والزمالك باسمه يقدر وان شاء الله القادم يساعد ولاعبي الفريق رجاله”.

وأردف: “انت بتكلم ونتواصل مع ناس وصفقات، لو الفلوس تمام بنكمل”.

واختتم:” كل الاحترام لكل الناس اللي بتساعد، انا وميدو اشتغلنا مع الاستاذ مرتضى منصور شهر ومشينا، كان علشان الزمالك، انا ابن الزمالك ومستحيل اتأخر، لما الزمالك بيقولوا لنا حاجه مقدرش اقول لا، والناس التانيه ممكن يتحرقوا لو حصل حاجه لكن هم مش شايفين غير الزمالك الادارة دي جابت صفقات ناحجه ودي كره ومفيش حاجه مضمونة وربنا يكرم”.
شاهد