تعليق قوي من عمرو أديب على خسارة الزمالك أمام بيراميدز.. ويوجه سؤال ناري بشأن أموال الأهلي!!

علق الإعلامي عمرو أديب، على خسارة الزمالك أمام بيراميدز، ضمن منافسات بطولة الدوري المصري الممتاز بثلاثية نظيفة.

وقال أديب، في تصريحات تليفزيونية عبر برنامج “الحكاية” على قناة “ام بي سي مصر”:” هزيمة غريبه وأهداف أغرب مبقتش فاهم حكايتنا ايه، النادي بيقول مفيش فلوس ولا لعيبه ولا إدارة ولا حب ولا إخلاص”.

وتابع:” مش قادرين نقف قدام التنين الأحمر، بيقولك من يومين طالبين قرض نص مليار جنيه، عايزين نعرف الأهلي بيجيب فلوس منين علشان نجيب فلوس إحنا كمان ونجيب لعيبه قادره تقف على رجلها”.

وشدد أديب:” وضعنا غريب وشئ مش لطيف مينفعش ده الزمالك إنما هما ماشين حلاوه نفسي اعرف بيجيبوا الفلوس منين ومفيش قواعد للصرف والفلوس”.

وأضاف:” مينفعشي ده يبقى نادي الزمالك مفيش حاجه نافعه.”.

وأكمل أديب:” على الجانب الثاني هما يقولوا هات نص مليار اديهم نص مليار.. مين بيديهم فلوس طيب دي كلها يا جماعه”.

وأختتم: “إحنا مش قادرين نجيب 150 حتى، حاجه تضايق وتنقط بجد اللي بيحصل ده”.