فتح جمال العدل عضو لجنه الاستثمار وتنميه الموارد في نادي الزمالك على فيديو تقديم أشرف بن شرقي في النادي الأهلي.
وقال جمال العدل عضو لجنه الاستثمار وتنميه الموارد في نادي الزمالك عبر برنامج الكورة مع فايق على قناة ام بي سي مصر 2 : ” الزمالك يعاني من ديون الكبيرة على مدار سنوات .. مرتضى منصور لما جيه كان في ديون كبيره اوي على الزمالك وفضل يسددها ولما مشي ساب وراه ديون كبيره اوي اوي اوي “.
وتابع : ” أنا راجل زملكاوي لا يهمني مرتضى منصور ولا حسين لبيب… بل إن مرتضى منصور صديق ليا .. بس احنا بندخل علشان عايزين نشوف الزمالك بخير فقط لا غير وادخلنا ايام مرتضى زي ما بندخل ايام حسين لبيب “.
وواصل : ” متحركناش علشان صفقه بن شرقي ولا بن غربي.. ولا البواخه اللي اتعملت في التقديم بتاعه ده أنه معدي من الزمالك للجزيرة .. طيب ما احنا جايبين عبدالله السعيد وناصر ماهر وأحمد حمدي لعبوا في الأهلي معملناش كده “.
وأتم : ” إحنا بتوع الشغلانه دي يا ابراهيم ونعرف نعمل الكلام ده بدل البواخه دي والموضوع ولا يفرق معانا .. ناصر ماهر وحمدي وعبدالله احسن من اي بن شرقي واي لاعب تاني “.
