جمال العدل يفجر مفاجأة كبرى بشأن موقف الزمالك من ضم مصطفى محمد في فتره الانتقالات الشتوية

فجر جمال العدل عضو لجنه الاستثمار وتنميه الموارد في نادي الزمالك مفاجأة كبرى بشأن انضمام مصطفى محمد لنادي الزمالك في فتره الانتقالات الشتوية.

وقال جمال العدل عضو لجنه الاستثمار وتنميه الموارد في نادي الزمالك عبر برنامج الكورة مع فايق على قناه ام بي سي مصر 2 : ” احنا مخلصين كل حاجه في قصه الصفقات والفلوس موجوده وكل حاجه جاهزه”.

وتابع : ” في لاعب مغربي أو جزائري.. ممكن يبقى في مصري تونسي أو مصري يوناني علشان يبقى محسوب لاعب مصري .. شغالين على جناح ومدافع “.

وواصل : ” مدخلناش في كويستا اللي الاهلي بيفاوضه خالص خالص “.

وفجر العدل المفاجأة: ” إحنا تواصلنا مع مصطفى محمد علشان يرجع الزمالك لنهايه الموسم اعاره وهو قال سبوني افكر وكلمته بنفسي ووكيله ومنتظرين الرد خلال الساعات الجايه “.

وأتم: ” زيزو راجل مخلص وتحمل الكثير ورفض عروض خارجيه بأرقام كبيره وده دورنا نوقف جنبه ونستحمله”.