جمال العدل يفحم ابراهيم فايق على الهواء : ” احنا مش جبهه انقاذ وده سبب تواجدنا في الزمالك”

رد جمال العدل عضو لجنه الاستثمار وتنميه الموارد في نادي الزمالك عبر برنامج الكورة مع فايق على قناه ام بي سي مصر 2 بشأن ما يتردد عن أزمات الزمالك.

وقال العدل : ” احنا مش جبهه إنقاذ، لان الزمالك مش بيغرق ولا حاجه احنا لحد امبارح كنا بنافس على المركز الأول لو كنا كسبنا “.

وتابع : ” احنا روحنا التدريب علشان ده كان طلب اللعيبه وكنا بنعمل كده ايام مرتضى منصور واحنا هدفنا الزمالك يبقى كويس وجميل واحسن نادي في العالم”.

وواصل : ” بيقولك رجال الأعمال في الأهلي دفعت 2 مليون ومحدش طلع اتكلم .. والله إحنا بندفع برضوا والله ومش بنطلع نقول وهي فلوس مش قرض ولا حاجه على النادي .. الوحيد اللي سلف النادي كان كابتن حسين السيد “.

وأتم : ” احنا كان عندنا يومين بس الخميس والجمعه جبنا 2 لعيبه جروس كان عايزهم ومعانا كابتن ميدو معاه تيم كامل وشغالين على كل حاجه .. لما القيد اتمد وربنا أدانا ايام زيادة قولنا نوسع دائرة الاختيارات علشان نجيب افضل كوالتي “.