رئيس أحد يحرج إدارة الزمالك بسبب طلبهم العاجل قبل التعاقد مع ميشالاك ويفجر المفاجأة وراء فسخ العقد

كشف محمد الجهني رئيس نادي أحد السعودي عبر برنامج الكورة مع فايق، اسباب فسخ البولندي ميشالاك مع الزمالك.

وقال رئيس أحد السعودي عبر قناة ام بي سي مصر 2 : ” الموسم الماضي كان في لاعب مصري كان باقي في عقده 3 شهور وكان ممكن اتعاقد معاه في أحد، ولكن بطلب من ادارة الزمالك رفضت، وانا كراجل محب عمري ما اتسبب لمشكلة لاي نادي مصري ”

وتابع : ” ميشالاك تواصل معايا كابتن حسين لبيب، قبل 48 ساعه من غلق القيد للتعاقد مع ميشالاك، وكان بالنسبالي اهم شئ الزمالك يستفيد واحنا نستفيد “.

وأضاف : ” اللاعب كان راتبه في احد مليون و800 الف دولار، طلعناه اعارة، وانا تحملت 600 الف دولار من راتبه والزمالك 700 الف دولار، واللاعب تنازل عن 500 الف دولار “.

وواصل : ” اشتغلنا قبل البطولة الافريقية علشان يلحق يلعب قدام الاهلي، ولكن بعد البطولة اللاعب كان غير سعيد، لاسباب كتيرة، وفي حاجات مينفعشي اتكلم فيها في العام لانها تخص الزمالك”.

وشدد : ” وهو متعاقد وفي بنود لازم الزمالك يلتزم بها، لم يتلزم بيها، هل المطلوب اللاعب يلعب ببلاش يعني، طيب احنا هنعمل ايه؟ “.

وأتم : ” قولت اعطي اللاعب حقوقه لو مش عايزة علشان يمشي، وده محصلشي، واللاعب لم يحصل على مستحقاته منذ وصوله للنادي الا شئ بسيط “.