دافع الإعلامي سيف زاهر، عن مجلس إدارة النادي الأهلي، بسبب المبالغ المالية الكبيرة المدفوعه في الصفقات الجديدة.
وقال زاهر، خلال تصريحات تليفزيونية ببرنامج “ملعب أون”، عبر قناة “أون تايم سبورتس1″:” صفقات الاهلي بيقولوا بيجيبوا فلوس منين، القصه كابتن الخطيب اللي اشتغل من 7شهور علشان يوفر الفلوس وقعد يلمها في هدوء، ومحدش كان يعرف احيانا كنا بنعرف واحيانا باكون جزء من الحدث ولكن عمرنا ما اتكلمنا”.
وأضاف: “32 مليون يورو القيمة التسويقيه لصفقات الاهلي الجديدة، والاهلي بالرقم ده مش رقم واحد لا صن داونز، الانديه بتتحرك، وده قدر الاندية الكبيره، الارقام احصائيات موجوده علي النت وعندي افضل فريق اعداد في مصر”
وتابع زاهر: “قيمة صفقة تريزيجيه لما اتكلمت فيها المعلومة كانت عندي، وصفقة العش كانت واضحة وقولنا الاهلي متكلمش مع زد ووقتها مكنش في حديث”.
وأشار:” الاهلي بيقترب من التعاقد مع لاعب كبير في الخط تحت المهاجمين بينهي صفقة كبيرة وهتزلزل الوسط الكروي، وهناك اتفاق مع 2 مهاجمين مش واحد مع وسام ابو علي”.
وشدد زاهر:” عارف ان شركة الاهلي كانوا بيكلموا مع شركات الاعلانات على اسماء اللاعبين قبل التعاقد علشان يعرف هيدفع كام مع الاعلانات”.
وزاد:” كنت بدعم علشان عارف المعلومات، احنا مش في منافسه مع حد وانا مبردش على حد في الاعلام احنا مش في مدرسه ولا استعراض عضلات، وموقفنا واضح مع الاهلي ودعمنا احنا من اول يوم بنقول الخطيب هيعمل شغل رائع، ده ردا على حاجات اتقالت الايام اللي فاتت اتحدى حد يبقي عارف خطوات الاهلي واتحدى حد يكون عارف تفكير للاهلي”
وأتم: “مروحتش مع الجمهور ضد الادارة لان عارف الخطيب هيعمل ايه في الانتقالات، كل التوفيق للاهلي ولصفقاته والاستاذ جمال جبر في المنطومة الاعلامية”.
