أكد الإعلامي سيف زاهر، أن وكيل اكرم توفيق، لاعب الأهلي، تواصل مع مسئولي الأحمر لتجديد عقده،رغم توقيعه لنادي الشمال القطري.
وقال زاهر، خلال تصريحات تليفزيونية ببرنامج “ملعب أون”، عبر قناة “أون تايم سبورتس1″:” اكرم توفيق واضح انه عاوز يعمل رحيل غير مرضي لجمهور الاهلي”.
وواصل: “أكرم عقده انتهى، والاهلي مكنش عنده شك انه هيمشي، وراح لعرض في الدوري القطري وبتصريحات قالوا انه مضى للنادي القطري، والخطيب قال في تصريحات غير تليفزيونية، نحب إن أكرم يكمل معانا بس هو شايف غير كده”.
وأكمل زاهر:” الادارة الفنيه للاهلي ابتدت تريحه مش هنعتمد عليك، حتى الطبيب النفسي قالهم ابعدوه لانه مركز انه هيمشي”.
وتابع: ومن حق اي لاعب يختار مستقبله حتى لو الجمهور يزعل”.
وأشار زاهر: “ابتدى وكيل اكرم يفتح الحديث مع الأهلي واحنا مضينا رغبه مش عقد مع النادي القطري، وشايف ان ده ميطلعش من لاعب الأهلي، انت اخترت خلاص، الجمهور اوعى من اي لاعب ومسئول بالاهلي، وميضحكش عليه انت رحل ضحيت علشانا حبيبنا مضحتش مفيش مشكله”.
وزاد:” ما يحدث في قصة أكرم توفيق غير مرضي للجمهور، وأنا مش ضد أي لاعب يفكر في نفسه ومستقبله، وبشوف إن أكرم كان ممكن قصته تنتهي بطريقة أشيك”.
وأتم: “الاهلي رده انا ثابت على موقفي عرضي القديم 20 مليون، انت بتداعب الجمهور، الموضوع مختلف، في لاعب بيختار الجمهور وفي لاعب بيفضل مستقبله”.
