شاهد – مداخلة رئيس نادي أحد كاملة وكشف المستور في أزمة ميشالاك في الزمالك والمتسبب في فسخ العقد وهل يوجد حل؟ – فيديو
تحدث محمد الجهني رئيس نادي أحد السعودي وكشف كل كواليس أزمة البولندي ميشالاك في نادي الزمالك واسباب تقدمه بفسخ العقد.
وقال رئيس أحد عبر قناة ام بي سي مصر 2 : ” الموسم الماضي كان في لاعب مصري كان باقي في عقده 3 شهور وكان ممكن اتعاقد معاه في أحد، ولكن بطلب من ادارة الزمالك رفضت، وانا كراجل محب عمري ما اتسبب لمشكلة لاي نادي مصري “.
وتابع : ” ميشالاك علشانه تواصل معايا كابتن حسين لبيب، قبل 48 ساعه من غلق القيد للتعاقد مع ميشالاك، وكان بالنسبالي اهم شئ الزمالك يستفيد واحنا نستفيد “.
وأضاف : ” اللاعب كان راتبه في احد مليون و800 الف دولار، طلعناه اعارة، وانا تحملت 600 الف دولار من راتبه والزمالك 700 الف دولار، واللاعب تنازل عن 500 الف دولار “.
وواصل : ” اشتغلنا قبل البطولة الافريقية علشان يلحق يلعب قدام الاهلي، ولكن بعد البطولة اللاعب كان غير سعيد، لاسباب كتيرة، وفي حاجات مينفعشي اتكلم فيها في العام لانها تخص الزمالك”.
وأكمل : ” وهو متعاقد وفي بنود لازم الزمالك يلتزم بها، لم يتلزم بيها، هل المطلوب اللاعب يلعب ببلاش يعني، طيب احنا هنعمل ايه؟ “.
وشدد : ” قولت اعطي اللاعب حقوقه لو مش عايزة علشان يمشي، وده محصلشي، واللاعب لم يحصل على مستحقاته منذ وصوله للنادي الا شئ بسيط “.
وأوضح : ” كلمت هشام نصر يوم 22 يناير وبلغته ان ميشالاك تقدم بطلب لفسخ عقده بسبب مستحقاته وكان اخر يوم في الرد يوم 6 فبراير ومحدش رد عليه ”
وفسر : ” اللاعب كان بيتعامل معاملة وحشة جدا، وكل يوم وكيله يتلقى اتصال من مقريبين من الادارة وناس محسوبين على الادارة وصحفيين تابعين للادارة ”
وعن سؤاله لماذا فضل ميشالاك فسخ عقده مع الزمالك بعد غلق القيد؟ قال : ” أنا الحقيقة ما اقدر اجاوب مكان اللاعب، ولكن انا لو مكان اللاعب واتمنع من المران الجماعي واروح الانفرادي وبالمصري كده يعني بتكدرني “.
وهل حاليا ممكن يحصل تواصل والمشكلة تتحل بدل الشكاوي وكل المشاكل؟ قال: ” انا والله حاولت فترة طويلة اني اصبر ميشالاك عن اللي حصل فيه”.
وبرر : ” ميشالاك من حقه حاليا انه ياخد 700 الف دولار فلوسه، ومن حقه ياخد تعويض 500 الف دولار على اللي حصله، وانا كنادي أحد من حقي اشتكي الزمالك لاني نادي ملك للدولة بسبب الاضرار اللي وقعت علينا بسبب ميشالاك لان اللاعب ممكن يشتكيني انا بسبب اننا عاملين عقد اعارة ثلاثي”
وأتم ” إحنا عاملين عقد، والعقد شريعه المتعاقدين ولازم تتلزموا فيه، ولكن أنا اسف مقدرشي اعمل شئ “.
شاهد :
