هاجم طارق السيد عضو اللجنه الفنيه السابق في نادي الزمالك، مجلس الإدارة بسبب قرار رحيل جروس.
وقال طارق السيد عبر برنامج الكورة مع فايق على قناة ام بي سي مصر 2 : ” أنا بستشهد بكلام كابتن سيد عبدالحفيظ أنه من الطبيعي أن جروس كان مدير فني موجود وعايز تغيره … لكن تغيره في وقت صعب جدا وهو كسبان ماتشين وانت مصدرله مشاكل “.
وتابع : ” رحيل جروس قرار كارثي وقرار خاطئ في التوقيت ده، وهي غلطه كبيره جدا جدا “.
وواصل : ” كان ممكن تعمل كده بعد ما تخسر من الأهلي كانت هتبقى مقبوله.. هل الأداء يختلف يعني أو هيحصل جديد قبل ماتش الأهلي.. لكن جروس كان كسبان سيبه يكمل “.
وتابع : ” حصل اجتماع مع جروس الاسبوع اللي فات واتقاله بعد غلق الإنتقالات هنعلن انك مكمل ونقفل كل القصه دي والكلام ده من مسؤولين كبار في النادي .. الراجل صدم من القرار “.
واضاف ‘ ” أنت بتصدر مشكله جديدة لنادي الزمالك وانت اصلا مديون.. جروس مش هيسيب جنيه لنادي الزمالك وهو عايز 210 الف دولار”.
وشدد : ” أنتوا رايحين بنادي الزمالك على فيين، بتعملوا ايه بالظبط وايه كم الأخطاء دي، أنت مش معاك فلوس ومشيت جروس وهتديله 210 ألف دولار لييه! في حوارت مينفعش واحد زملكاوي أوي أوي زي يسكت عليها”.
وأتم : ” أنا الوحيد في تاريخ الزمالك اللي دفعت من جيبي عشان أجيب لاعب اللي هو فتوح، ومحدش يقدر يزايد عليا ولا يقؤلي أشمعنى اتكلمت بعد رحيلك من اللجنة بيومين”.
شاهد :
