كشف محمد ابوالعلا، عضو اللجنة الإستشارية بالزمالك، تطورات ملف الصفقات الجديدة والعدد المتتظر التدعيم به خلال فترة الإنتقالات الشتوية الجارية.
وقال أبو العلا، خلال تصريحات تليفزيونية عبر قناة “الزمالك”:” موضوع ملف التدعيمات مازال مستمر، في لجنة استشاريه او لجنة كرة مصغرة، وفي جوانب جوه النادي محتاجه تترمم”.
وأردف: “الناس مشكوره بتحاول ترمم الموجود، بنحاول نتأنى ونختار مين مناسب فنيا وماليا للزمالك، ونحاول نجنب النادي اهدار الاموال ونجيب لاعب يتماشى مع طبيعة الدوري المصري وعارفه افريقيا”.
وشدد ابو العلا:” احنا في مرحله ليست سهله وبنحاول ننتقي لاعب اواثنين، بحيث لايخل بالفريق الذي نتعاقد منه لان الانتقالات اغلقت في كثير من الدوريات”.
وتابع:” فاتنا امور كثيره بسبب الوقت وعلينا التزامات وايقاف قيد، ومكنتش بتعرف تاخد حقك خارج الملعب بسبب عدم الاستقرار الاداري، المناخ ليس سهل والنجاح ليس سهل والذين تولوا المسئوليه بيحاولوا، والموضوع مش سهل ولازم تعرفوا ان الفلوس هي العنصر الاهم”.
وأضاف أبو العلا:” ممكن يكون بشكل لا يرضي طموح الجماهير، لكن لازم نعرف امكانياتنا، وانا مش بتحجج بس بقول ان في عوامل بتؤثر في صناعة القرار، الجمهور عاوز الصفقات وفريقه يبقى كويس”.
واشار: “العمل شغال نجيب اثنين لعيبه سوبر اجانب، والمركز اللي محتاج تشتغل عليه، وبتحاول تننتقي حد قريب من الدوري المصري ويتناسب مع الزمالك، رغم التضييق في عنصري الوقت والفلوس”.
وواصل ابو العلا:” بنحاول بكل الحب والناس اللي بتشارك كلهم من ابناء النادي ومحبين له، وبيساعدوا بدون استفاده وعارفين اننا متاخرين قوي،وهناك نوع من الاحساس بالمسئوليه”.
وزاد:” بنحاول ندور على لاعبين اعاره وانا مع هذا القرار، وفي انديه اوروبا بتفكر في الاتجاه ده وحصل مع مصطفى محمد، علشان تقيم صح بدل ما تورط نفسك، علشان منكررش اخطاء، وممكن حجم صفقاتنا اقل من غرامة بوطيب، وبندفع لاماضي اكثر من المستقبل”.
وأستانف أبو العلا: “في اتجاهين، اتجاه نجيب لاعب اعاره ويكون في بند نيه الشراء، و في اتجاه اخر ممكن اشتري ولكن متأني جدا واعرف تاريخ اللاعب وامكانيانه وبنعمل سكاوتنج وتحليل اداء”.
وأختتم:” شايف معلومات على السوشيال ميديا غير دقيقه، وبنحاول نختار وفقا لظروف الزمالك وان شاء الله نجيب لاعب يقدر يكون مناسب لشخصية الزمالك، ووضع النادي المالي امامنا حتى لانصدر ازمات”.
