مرتضى منصور يُفجر مفاجآت صادمة بشأن ثنائي الأهلي.. ويُصرح: كهربا هيحبس حسين لبيب!! فيديو

في مؤتمر صحفي عقده اليوم، هاجم مرتضى منصور، رئيس نادي الزمالك السابق، كلاً من محمود عبد المنعم “كهربا” وإمام عاشور، لاعبي النادي الأهلي، واتهمهما بالهروب من نادي الزمالك. كما هاجم النادي الأهلي واتهمه بـ “النظر إلى طبق الزمالك” وأخذ لاعبين جاهزين بدلاً من الاعتماد على قطاع الناشئين.

وقال مرتضى منصو: “المصيبة إن في بعض الأهلاوية صعبانين عليا، بيقولوا إللي حصل في مباراة الزمالك ذنب كهربا وإمام عاشور، ده الاتنين هربانين ذنب إيه!، ده كهربا وهو على ذمة الزمالك، لما تكون في واحدة متزوجة رجل محترم، وتركته وعشان تكون مع راجل تاني، ده إللي حصل، كهربا كان على ذمة الزمالك والنادي مطلقوش راحت الأهلي”.

وتابع: “أنا بس جمهور الأهلي بيصعب عليا في حاجة، إنت ليه دايمًا بتبص في طبق الزمالك، يعني إحنا نختار ونجهز وإنت تاخده على الجاهز، طيب مأخدتوش من الأول ليه، ده إمام عاشور في فيديو بيقول فيه أنا من صغري أهلاوي، لما كان لسه عيل في السنبلاوين”.

وأضاف: “إمام الحرس لم يكن يريده وانضم للمحلة، وبدل ما يشكر ربنا ويشكر نادي الزمالك إللي عمله بني آدم، وخلاه يتجوز بنت محمد حافظ كبير الحلاقين في مصر، بعد كل ده يروح الأهلي، إنت ليه مرحتش مباشرة، إنت لو كنت انتظرت 6 شهور كنت هتروح ببلاش، وأنا قلتله أمام اللاعبين، بلاش أفلام إن وليد سليمان جاب ليك عيال حرقولك عربيتك، إللي حرقلك عربيتك ناس تبع منى فاروق، وأخدت قرار وقتها إن لو جاله سعر كويس همشيه، هو ده نادي القيم والمبادئ، لما جالي 90 مليون قلتله اتفضل”.

واستكمل: “هوريكم العقد إللي الواد حسين السيد إللي كانت الكرة بتسخن في إيده وكان بيحطها في مرماه، إللي بيكذب هو وإبن المندوه، يا مندوه إنت كنت ممسوك في قضية رشوة واتحبست ومرتضى إللي طلعك، متفتحش صدرك أوي، يقولك إن اللاعب كان موقع في شهر أغسطس 2021 وإحنا جئنا في شهر فبراير 2022، وقالوا ليه موثقوش العقد، هو في عقد بيتوثق بعد 8 شهور!، وبعدين هو في عقد بيتوثق 3 نسخ! كلام فارغ وكفاية كذب وقلة أدب، أنا لما جالي 90 مليون في إمام عاشور قلتله يلا اتكل على الله يلا من هنا، هو احنا هندخل في دايرة ومنى وفاروق وبتاع”.

واستمر: “كهربا ده إللي هيحبس حسين لبيب، كهربا ضحكوا عليه وقالو له روح البرتغال، عشان الكباري، والنادي هناك قاله لو في أي غرامة ملناش دعوة، وإحنا اخدنا القضية وأمير وأحمد مرتضى تابعوا القضية، وصدر حكم إن كهربا يدفع 2 مليون و650 ألف دولار بالفوائد، عمرو الجنايني بلغ النادي الأهلي إن الجنيه بـ 30 دلوقتي وهيتعوم وهيوصل لـ 50، كهربا قدم 20 مذكرة للفيفا والمحكمة الرياضية، إنه عايز يقسط المبلغ، المحكمة رفضت وحسين لبيب وافق، اضرب الفرق لو الدولار بـ 50، المفترض إن النادي بيدفع لـ جروس بالدولار وللاعبين الأجانب، طيب عشان تدفع ليهم راتبهم بتضطر تروح تشتري الدولار بـ 50، لو كنت ساعتها أخذت الدولار وهو بـ 30 كان هيفرق 130 مليون، لكن هو أخد 70 مليون وبالتقسيط”.

وأتم: “الخطيب قالهم يقسطوا المبلغ، وافقوا، افتكرهم ناس هبلة، راح باعت ليهم إنه الواد يدفع بالجنيه المصري، راحوا موفقين، هي دي العزبة يا دولة”.