مرتضى منصور يُهاجم شيكابالا ويكشف تفاصيل صادمة: “عامل نفسه أسطورة وهو كان بيحرض لاعيبة الزمالك”!! فيديو
في مؤتمر صحفي مثير، شن مرتضى منصور، رئيس نادي الزمالك السابق، هجومًا عنيفًا على محمود عبد الرازق “شيكابالا”، نجم الفريق، واتهمه بالتحريض على اللاعبين وإثارة الفتن داخل الفريق. كما فجر مفاجآت من العيار الثقيل عن تجديد عقد أحمد سيد “زيزو”، نجم الفريق.
وقال مرتضى منصور في تصريحات خلال المؤتمر الصحفي: “شيكابالا كان بيقول للاعيبة مترحوش التمرين، قلتلهم الساعة 4 في تمرين إللي مش هيجي هشطبه، كلهم جم، تاني يوم كان في اجتماع مع اللاعبين كلهم جم ما عدا شيكابالا، إيه ده! ده إنت عامل نفسك أسطورة وتقريبا من 4 سنين لم يحرز إلا هدف”.
وتابع: “شيكابالا كان بيحرض اللاعيبة، وهقولكم هو عمل إيه في أخر الأيام عشان يمشي، هو والبنت الخدامة إللي أنا شغلتها ودلوقتي واخدة القناة لحسابها”.
وأضاف: “إوعى تظلم اللاعيبة وتشتمهم، اللاعيبة مش بتاخد فلوسها، زيزو لاعب مؤدب ومحترم، هو مين إللي رفع سعره هو النادي، أنا لما رجعت كانوا عاملين ليه شرط جزائي يدفع 30 مليون ويمشي ، وانا لما جيت عملتله عقد بـ 15 مليون، لكن إنت كده بدمر أوضة اللبس، وفي واحد في الأوضة مستني، شيكابالا بياخد 30 مليون جنيه في السنة عشان جده ممدوح عباس، يا راجل هو في رئيس نادي محترم هنادي مهنة تحزمة وترقصه”.
واستكمل: “إنت إللي وصلت زيزو لكده، كان المفروض بعد الكونفدرالية إللي انا عارف اتخدت إزاي، تجيب زيزو وتجددله، مش هتيجي في الوقت الضايع تجددله، فأي حد شتم زيزو مش محترم، يا راجل ده الزمالك مغلوب 3 وراحوا فرح بنت حسين السيد يرقصوا، ده الواحد مهموم من امبارح وضغطه ارتفع، لأن ده الزمالك مش حسين لبيب، حسين لبيب ده معندوش دم، أنا شفته 3 مرات في النادي منذ أن كنت عضو مجلس إدارة، يبقى رئيس الزمالك”.
