أكد أحمد حسام ميدو، عضو اللجنة الإستشارية بالزمالك، أن التادي تعاقد مع 4 صفقات جديده، خلال فترة الإنتقالات الشتوية الحالية.
وقال ميدو، خلال مداخلة هاتفية ببرنامج “ملعب أون”، عبر قناة “أون تايم سبورتس1″:” الزمالك تعاقد مع 4 صفقات مميزة تحمل شخصية الزمالك بأقل الأسعار ورسالتي للجماهير متخافوش على النادي إحنا في ضهره”.
وتابع: “هدفنا كان سد احتياجات الفريق وفق الفلوس اللي اتحطت لينا ودي حاجه مهمه توضح للناس”.
وشدد ميدو:” الزمالك أنهى 4 صفقات وهما من افضل اللاعبين وهيكونوا دعم كويس جدا للفريق، سواء محمود جهاد أو أحمد حسام أو صلاح مصدق أو احمد جفالي “.
واكمل:” صلاح مصدق واحد من أفضل المدافعين الموسم ده في الدوري المغربي، وأحمد الجفالي موهبه تونسيه كبيره وهيكون إضافة للفريق”.
واردف ميدو:” كلنا اشتغلنا في ظروف صعبه وكلنا خلف مجلس إدارة الزمالك برئاسة كابتن حسين لبيب “.
وأضاف:” عايز اطمن الجمهور واقولهم أن شاء الله الدنيا تتظبط الفتره الجايه بعد الصفقات دي، ولكن في الآخر التدعيمات مينفعشي تتم في انتقالات واحده بتحتاج أكثر من فتره قيد علشان تبني الفريق”.
وواصل: “كنا بنطمع في ضم جناح أجنبي اخر مميز ولكن لظروف النادي في أنه مقدرشي يوفر مكان لأجنبي خلانا نقف
لكن كل اللي اقدر اقوله للجمهور أن حال الزمالك حاليا بعد الصفقات الجديدة افضل كتير جدا من 10 أيام فاتت”.
وزاد ميدو:” قائمة الزمالك الحاليه هتبقى فيها خيارات افضل لجروس “.
واختتم:” خدت رأي نجوم كبيره بعد مشاهده مباريات للعيبه وارقامهم وكل حاجه زي يوسف شيبو و الطرابلسي والجعيدي قبل ما نتمم التعاقد مع صلاح مصدق واحمد الجفالي”.
شاهد:
