انتقادات حادة من محسن صالح عقب الهزيمة الثقيلة من طلائع الجيش و توديع كأس عاصمة مصر .
تحدث محسن صالح عبر قناة الأهلي بعد خساره الفريق أمام طلائع الجيش قال : لا أنا وضحلي بعد مباراة النهارده.. أن هدف الأهلي في كأس الرابطة إنه ميحصلشي عليه غرامات وشارك علشان لابد أننا نشارك علشان الجزاءات والغرامات الكبيره اللي هتقع عليه
و أضاف : انا شايف اللي حصل ده غير لائق… المفروض إحنا شايفين كل الفرق بتستعد وبتشارك علشان تستفيد
و أوضح : احنا بنبحث عن مباريات وديه لان في لعيبه كتيره غير جاهزين.. وبالتالي عندك فرصه متاحه في كأس الرابطه قدام فرق مكتمله ومحترمه زي طلائع الجيش مع قدم عرض محترم مع مدربه عبدالحميد بسيوني
و تابع : احنا كان لازم نستفيد .. مش لازم تحقق مكسب لكن تحقق أهدافك الثانية.. أنا مش عارف وجهه نظر كولر أنه ميشاركشي باللعيبه اللي راجعه من الإصابة واللي بعاد على الدكة ومستواهم نزل تحت خمسين في الميه واللي مشاركوش ويجهزهم
و أتم : احنا رايحين على مرحله فيها ماتشات وبطولات ومحتاج تكون اللعيبه جاهزة .. الأهلي فرط في فرصه ذهبيه متاحه ليحقق كل الأهداف في بطولة كأس الرابطة
