أكد الإعلامي أحمد شوبير، أن 90% من الاعلاميين الرياضيين الموجودين على الساحة الرياضية هو الذي أخرجهم من خلال برامجه، قائلا: “أنا اللي طلعت ابراهيم فايق ومهيب عبد الهادي وغيرهم من اسماء كبيرة وفي ناس شالت الجميل ومحترمة ومش لازم يكون مذيع”.
وأوضح احمد شوبير، خلال حواره ببرنامج “أسرار”، مع الاعلامية أميرة بدر، المذاع على قناة النهار : في ناس انا اللي طلعتها للإعلام الرياضي زي ابراهيم فايق واعلامين كتير، في ناس شايله الجميل وفي ناس لأ..
و أضاف : ابراهيم كنت شايف انه ممكن يطلع منه حاجه، وهو اعلامي موهوب وكنت بتعمد أغيب عن البرنامج في مودرن علشان يظهر هو مكاني في البرنامج ويتشاف، كنت ومازلت بحب إبراهيم وصحيح انا زعلان منه حاليًا، لأن ابراهيم مينفعش يكون منافس ليا لانه إبني، في حد دخل في دماغه حتة المنافسة معايا الفترة الأخيرة..
و أتم : وبقي بيتعامل معايا كمنافس مش كأب، انا أحب واحد انه يكون رقم واحد في العالم، ابراهيم أكثر واحد حبيته لانه موهوب، والكرة هتفضل مع شوبير لان دا براند باسمي وانا اللي أخترعته
