تعليق مثير من شوبير عن عقوبات رابطة الأندية المصرية للجولة ١٦ من الدوري المصري الممتاز .
علق الإعلامي أحمد شوبير عن عقوبة رابطة الأندية ضد الأهلي بالجولة ١٦ من المسابقة و قال : انا موافق الرابطة على العقوبات اللي خرجت ضد الأهلي، وبقولك برافو، زعلت ليه بقي المرة اللي فاتت وانا بقولك طبق اللائحة على جمهور الزمالك.
و أضاف : اللائحة لازم تتطبق على الجميع، ومش هغير كلامي والأرزاق على الله وانا مش هتكلم غير عن اللي انا شايفه صح
و تابع : أنت في ايدك كل حاجه، خليك قوي احنا نساندك لما تبقى قوي والمؤمن القوي احب عند الله من المؤمن الضعيف
و أتم : الناس اللي طلعت تهاجمني وتعمل حملات أنت حر واللي عايز يشتكي من حقك تعمل كده مفيش اي مشكله . القوانين وضعت علشان يبقى في نظام والقانون يطبق على الكل
وكانت قد أصدرت رابطة الأندية المصرية المحترفة عقوبات الجولة الـ16 وذلك طبقا للائحة مسابقة دوري nile ولائحة المخلفات والعقوبات ونظام ضبط الجودة موسم 2024-2025
وجاءت في المقدمة لقاء مباراة حرس الحدود والأهلي والذي شهد فوز الأحمر بهدف دون رد.
وتم توقيع غرامة مالية على النادي الأهلي قيمتها 200 ألف جنيه ومنع الحاضرون من جمهور النادي الأهلي في مباراة حرس الحدود والأهلي من حضور مباراتي الفريق القادمة في الجولة السابعة عشر والجولة الأولى من المرحلة النهائية من دوري nile وذلك للسباب الجماعي للجماهير
بجانب توجيه لفت نظر وتوقيع غرامة مالية على النادي الأهلي قيمتها 100 ألف جنيه بالإضافة الى تكلفة الإصلاح وذلك بسبب قيام الجماهير بإتلاف الاستاد
