تعليق ناري من حسام حسن عن لقطة مصطفي محمد و عن إستبعاد “إمام عاشور” ليس مصري
كد حسام حسن، المدير الفني لمنتخب مصر الأول، أنه لم يشاهد لقطة خروج مصطفى محمد، وغضبه عند استبداله في الشوط الثاني، من مواجهة سيراليون، التي اقيمت على أرضية استاد القاهرة الدولي، ضمن لقاءات الجولة السادسة من التصفيات الأفريقية المؤهلة لنهائيات كأس العالم 2026.
و قال عن لقطة مصطفى محمد: ماشوفتش حاجة، ولو شوفت ان فيه تجاوز أكيد هيتعاقب، ولن يتواجد لاعب في منتخب مصر غير ملتزم في السلوكيات وروحه عالية وملتزم، أنا أفضل اللاعب الملتزم عن اللاعب المميز فنيا وغير ملتزم او منضبط.
و أضاف : شوفوا قانون الحرب الضابط غير الملتزم شوفوا بيعملوا فيه أيه، انا هنفذ اللي ربنا قال عليه ومنتخب مصر فوق الجميع.
و تابع : هبوط البدني للاعبي المنتخب في الشوط التاني؟ من وقت ما توليت مافيش لاعيب جاله شد عندي.. ده يسأل عنه الأندية.
و أردف : أنا كمدرب منتخب مطلوب مني أعمل أيه عشان أطور الحالة البدنية للاعبين، مافيش حاجة في ايدي، انا شغلي فني، البدني يسأل عنه الأندية، فيه لاعيبة جاية من نادي كبير واخدين راحة ٥ أيام نايمين في البيت وفي رمضان، دول هعمل معاهم أيه؟!.
و عن استبعاد إمام عاشور قال : قرار انضباطي، إمام عاشور لابد ان يعتذر للشعب المصري حتى يعود للمنتخب، لو فيه واحد في الحرب تمارض بيتم عقابه.
و أضاف : إمام عاشور لازم يعتذر، إمام عاشور اخطأ مرتين.. أخطاء إمام عاشور لا تغتفر.. في مرة كان مضايق وشاط الكرة بره الملعب، كنا رايحين غينيا ومن غير ما يحصلوا حاجة قال إن ركبتي وجعاني ومش هلعب.. وبعدين راح الأهلي لعب بعد يومين، الجيش بيدافع عن اابلد.. وانا بدافع عن منتخب مصر.. انا مش هدافع عن لاعب غير ملتزم.. وطلع قال أنا نيجيري مش مصري.
