علّق عصام الحضري، نجم منتخب مصر السابق، على صورة محمود الخطيب، رئيس النادي الأهلي، مؤكدًا أن المبادئ داخل القلعة الحمرا لم تعد تُطبق بنفس الصرامة التي كانت عليها في الماضي، بل يتم تطبيقها وفقًا لأهواء المسؤولين.
وخلال ظهوره في برنامج “العرافة” على قناة النهار، قال الحضري: “أنا بحب الخطيب كلاعب، لكن كرئيس نادٍ، المبادئ لا تتجزأ.”
لتقاطعه الإعلامية بسمة وهبة قائلة: “إنت موجوع أوي، يا حضري!”، ليرد ساخرًا: “لو كنت موجوع كنت رُحت الصيدلية وأخدت دواء وخفيت!”
وسألته بسمة وهبة مستفزة: “إنت زعلان عشان الأهلي ما رجعكش تشتغل عنده؟” ليرد الحضري بحسم: “الأهلي مش عايزني، وأنا كمان مش عايزه، بس ده مش معناه إني ما أقدرش أقول رأيي، بقالي 17 سنة بعيد عن النادي، ولو كلامي بيوجع، فدي مشكلتهم مش مشكلتي”.
واختتمت المذيعة قائلة: “إنت محتاج تروح لدكتور نفسي يساعدك تنسى الأهلي”، ليرد الحضري بابتسامة: “مفيش علاج للحالة دي!”
