هاني شكري يعترف لأول مرة عن سبب عدم ضم بن شرقي للزمالك وحقيقة العمولات ورد فعله بعد انتقاله للأهلي – فيديو
اعترف هاني شكري عضو مجلس ادارة نادي الزمالك لاول مرة سبب عدم التعاقد مع اشرف بن شرقي لاعب الاهلي الحالي.
ووجه الاعلامي إبراهيم عبدالجواد عبر برنامج ملعب اون، سؤلا لهاني شكري قائلا : ” الحلقه اللي فاتت كان في جزئيه عايزين نسألها خاصه ببن شرقي وهي أن مجلس الإدارة كان أنهى كافه الاتفاقات مع اللاعب وبعد ما القصه كانت خلصانه وتم إرسال تذاكر الطيران .. أحد أعضاء مجلس الإدارة ممكن نقول ايه .. أنه زعم ببعض الكلام المغلوط لباقي مجلس الإدارة، أن الصفقه دي فيها مشاكل وفيها مغالاة وكلام كتير .. فانتوا تحفظتوا على اتمام الصفقه؟”.
ورد هاني شكري عضو مجلس إدارة الزمالك قائلا : ” اوافق جزئيا على اللي انت قولته، في عضو مجلس إدارة كان شايف أن الرقم المطلوب كبير وممكن يعمل مشاكل وكان متخوف من قصه عمولات وكده”.
وتابع : ” مش بس كده للامانه.. كان في مشكله مالية برضوا وفي ناس بادرت بالمساعده في جزء من المبلغ مش كله “.
وواصل : ” أحد الأعضاء بدون ذكر اسامي.. كلنا واحد.. هو تخوف من الرقم وأن المبلغ ده كله يدفع في لاعب واحد “.
وطرح إبراهيم عبدالجواد سؤالا اخر قائلا : ” بعد ما اشرف بن شرقي مجاش الزمالك بسبب القصه دي وراح الأهلي.. بعد التجربه دي هل في ندم ولو عاد بيكم الزمن كنتوا هتسمعوا الكلام ده؟”.
وعلق هاني شكري عضو مجلس إدارة الزمالك وقال : ” في الظروف السابقه مكنشي عندنا حل اخر .. لكن لو النهارده لأ “.
وتابع : ” ده لاعب بنعزه وبنحترمه وقدم لنادي الزمالك احلى سنين عمره وراجل محترف وراح نادي منافس وخلاص الموضوع اتقفل “.
وأتم : ” كنا نتمنى اكيد يكون معانا لكن هي صفحه واتقفلت.. واللعيبه اللي جت دي محترمه وهتعمل شغل سواء صلاح مصدق أو الجفالي أنا براهن عليه “.
شاهد :
