أين القيم و اللوائح؟
تحدث إبراهيم المنيسي عبر قناة الأهلي و قال : لما تتعرض أزمة على لجنه مكتوب عليها لجنه القيم يبقى لازم أول حاجه تدور عليها هي القيم الرياضية .. القيم الرياضية فين؟
و أضاف : لما يبقى معروض عليها جواب من رابطة الأندية بطلب لاستقدام حكام أجانب لثلاث مباريات القمة والأهلي وبيراميدز والزمالك وبيراميدز..
و تابع : بصوا بقى الجمله الكارثية اللي كانت مكتوبة في الخطاب اللي اللجنة الأولمبية غضت النظر عنها .. ياما غير اليافطه اللي على الباب برا أنت مش لجنه قيم
و أوضح : الجمله بتقول حرصا على النزاهة والشفافيه في المنافسه على دوري نايل وعطاء الفرصه للخبير الأجنبي لترتيب اوضاعه
و أكمل : يا ساده يا حماه القيم في اللجنه الأولمبية لما يكون في جواب بيتكلم عن النزاهه والشفافية وتسيب كل ده وتدورلي على تاريخ الجواب مبعوت امتى!! واللائحة بتقول ايه؟
و أتم : اللائحة والكلام ده يعمله حي الهرم .. يكرمكم بجد .. ده شغل روتيني بتاع المجالس المحليه مش شغل لجنه قيم في اللجنة الأولمبية
و علق عدلي القيعي عبر قناة الأهلي قائلًا : يا استاذ إبراهيم معلش نفكر بعض بس .. هو انت لما تيجي تقبض على تاجر مخدرات تيجي تطلعه براءه علشان مقرتش عليه حقوقه وهو متلبس
و اضاف : دي جوانب قانونيه بيتمحك فيها قانونيين لما يحبوا يزوغوا من الحقيقة
و أتم : ما انت عايش في مصر وشايف الحقيقه ان اللي بيدير المسابقة بيقولك أنا هتحمل المسؤوليه وهدفع تقولي الوقت واللائحة!!
