تفاصيل توقيع “زيزو” للأهلي و لوم شديد للاعب هذا السبب!
كشف الصقر أحمد حسن، في تصريحات خلال برنامجه “الكابتن”، المذاع على قناة dmc : موضوع زيزو تدخل فيه نادر شوقي في البدايه لذهابه للنادي الأهلي وحصل كلام فيها
و تابع : أنا يوم 12 مارس عرفت أن في جلسه حصلت بين زيزو وكابتن محمود الخطيب في منزله بحكم قريبي من مكان السكن وقولت خلاص يبقى الزمالك مش هيجددله ورايح الأهلي
و أضاف : بعدها قابلت الاستاذ عمرو الجنايني وبسأله على زيزو .. قالي زيزو مستمر في الزمالك ومفيش اي حاجة واستغربت
و أكمل : لان اللي عرفته أن زيزو في الجلسه دي وقع ووالده قبض فلوس وصرفها كمان .. فازاي يا زيزو تطلع تقول للزمالك انك عايزك تكمل
و أوضح : أنا لومي في القصه على زيزو لو انت خدت قرار انك مش هتستمر في الزمالك ورايح الأهلي كان لازم تقول للناس اللي احترمتك وبتتواصل معاك زي الاستاذ عمرو الجنايني
و أردف : مشكله زيزو أنه مقلشي الحقيقة وانكر مفاوضات الأهلي أو أنه وقع ليهم وقال إنه متمسك بالزمالك وفي نفس الوقت مقعدشي مع المسؤولين هناك علشان يجدد لانه اصلا موقع للأهلي
و أستكمل : بلوم برضو زيزو في حاجه تانيه وهي فكره انك تروح تطلع تأشيرة امريكا قبل مباراة مهمة لفريقك الحالي الزمالك اللي انت لسه على ذمته وانت مصر تنكر وتقول أنا موقعتش وانت مخلص كل حاجه مع الأهلي
و أتم : عتابي زي ما قولت أن مفيش صراحه من اللاعب واضحه وده سبب حزن الأستاذ عمرو الجنايني والناس في الزمالك والجمهور
