أحمد مرتضي منصور يواصل الهجوم على مجلس ممدوح عباس.. ويكشف عن أسرار لأول مرة فترة تواجده بالنادي-فيديو

تحدث أحمد مرتضي منصور عضو مجلس إدارة نادي الزمالك السابق، على فترة رئاسة ممدوح عباس للنادي سابقًا، مشيرا إلي إن النادي واجه تحديات كبيرة.

وقال أحمد مرتضي منصور، خلال حواره في “جول بودكاست”، مع عبد الرحمن مجدي :أنا أعرت كهربا بـ 4 أو 5 مليون دولار، الكرة في مصر بتخسر، عشان تكسب لازم تجيب لاعب تتوسم فيه الخير وبعد سنتين أو ثلاثة تبيعه، لكي يكون هناك مدخلات، أومال هنكسب منين، الزمالك عنده حقوق رعاية، عندما توليت المسؤولية في المجلس في 2013 ، هاني شكري دخل علينا قال لنا أنا جبتلكم رعاية على القميص مليون جنيه في السنة، وكمان الشركة الراعية ليها مستحقات ومتأخرات لذلك سيعطونا 500 ألف جنيه، ساعتها عملنا ليه حفلة في النادي، إحنا كنا بنتنشأ على أي أموال، المحلات كان عليهم أموال مستأخرة حوالي 2 مليون، أنا نزلت جبت منهم مليون، عملولي حفلة في النادي، كمال درويش جاب لي تورتة لأنه كان إنجاز.

و تابع : عقود اللاعبين في وقتها كانت 600 و700 ألف ومليون، وشيكابالا كان يحصل على 8 مليون جنيه، وطلع ممدوح عباس كان موقع عليه غرامات لأنه شتم الكابتن حسن شحاته، ووجدنا إن شيكابالا في الدفاتر عليه فلوس مش ليه فلوس، ودخلنا في قصة صعبة لأن الأوراق لم تكن مظبوطة وعلينا فلوس للتأمينات.

و أضاف : مشكلة مرتضى منصور إنه على الطموح أوي، المجلس الحالي أعتبرها لجنة مؤقتة، مرتضى عمل حاجات كويسة جديد بالتأكيد أخطأ لأن لا أحد لا يُخطئ.

و أكمل : نادي الزمالك فيه تفاصيل كثيرة، هل تعلم إن كان في رجل أعمال رئيس نادي الزمالك أهلاوي، جاء بعد الكابتن محمد حسن حلمي، وشتمو الكابتن محمد حسن حلمي، كان معروف إنه أهلاوي، وفي واحد تاني كان أمين صندوق نادي الزمالك، كان سهران مع عضو في النادي واتراهنوا على ماتش الأهلي والزمالك، وإن لو الأهلي كسب العضو هيدفع مكافآت للاعبي الأهلي، ولو الزمالك فاز يدفع الأهلاوي مكافآت للاعبي الزمالك، ولما الزمالك فاز دفع مكافآت للاعبين فدخل الانتخابات ونجح.

و أتم : حتى الانتخابات أنا شفت بعيني إنهم كانوا بيشتموا نور الدالي، دايمًا عندنا في الزمالك إن اللي بيمشي بيشتم في اللي قبله.