كشف ابراهيم فايق حقيقه عدم تجديد عقده مع الزمالك ورحيله إلى الأهلي.
وقال إبراهيم فايق عبر قناة ام بي سي مصر 2 :ملف زيزو علشان الكلام كتير عليه .. كانت هناك مساعي سابقا لتجديد عقده لكنها لم تنجح
وتابع :والد زيزو مضايق وحزين بسبب أن تفاصيل التفاوض مع الزمالك بتطلع للإعلام والسوشيال ميديا
واضاف: كان في هناك حملات من لجان على زيزو بجانب هجوم من بعض الجماهير تسبب في حزنه
وشدد : بصراحه ابو زيزو زعلان جدا وبيقول احنا صعايده وبصراحه مينفعشي ده يحصل من إدارة الزمالك واحنا نبقى داخلين سوبر ماركت الاقي حد ببحسبلنا هناخد كام
وواصل : ابو زيزو بيقول ليه الإدارة تعمل كده مع زيزو الراجل مقصرشي معاكم في حاجه
وأكمل : ابو زيزو قال إنه لحد هذه اللحظة متففشي على جلسات مع الزمالك
وأوضح : في مساعي من ناس برا الإدارة مع ابو زيزو شغاله حالياً
وأكد : في اللحظة اللي بكلمك فيها دي .. زيزو لم يجدد عقده مع الزمالك لحد دلوقتي ولم يجد جديد في موقفه وسبب تعطل الملف هو حزنهم لما حدث من الإدارة وتسريب الارقام وهجوم بعض اللجان عليه
وأتم : ممكن تقول حاليا زيزو قاطع شحن مع الزمالك لكن ممكن بكره يحصل جديد
