”إيه المشكلة لما يروح؟”.. شوبير يُعلق على غضب الأهلاوية من اقتراب محمد شريف من الانتقال للزمالك!! فيديو
علّق الإعلامي أحمد شوبير على الأنباء المتداولة بشأن اقتراب محمد شريف، مهاجم الخليج السعودي الحالي، من الانتقال إلى نادي الزمالك خلال فترة الانتقالات الصيفية المقبلة، في ظل نهاية تعاقده مع ناديه وعدم وجود تواصل من جانب الأهلي لضمه مجددًا.
وقال شوبير، في تصريحات إذاعية صباح اليوم الثلاثاء: “كلام كتير بيتقال عن إن محمد شريف، مهاجم إنبي ودجلة والأهلي السابق، والحالي في الخليج، في طريقه للزمالك بعد ما أنهى كل الاتفاقات مع القلعة البيضاء”.
وأضاف: “وصلتني ردود أفعال مختلفة، فيه مؤيد من جماهير الزمالك، وفيه معارض من الأهلاوية، وبعض الناس بعتولي بيقولولي قول لشريف ماينتقلش للزمالك! ليه؟ مش هو اللي قال قبل كده إن الجنيه في الأهلي بعشرة وعشرين؟ آه قال لي الكلام ده، بس في الآخر، هو بينتقل للزمالك لأنه نادٍ كبير، والخليج غالبًا مش هيجدد له، وهو لاعب حر، والأهلي ماكلمهوش عشان يرجع”.
وتابع: “المنطقي والطبيعي إن اللاعب يدور على نادٍ كبير، والزمالك واحد من أكبر الأندية. في ناس بتسأل: ممكن يتألق مع الزمالك؟ مش بس ممكن، ده بالتأكيد هيتألق. هو من حقه ينضم لأي فريق، لحد دلوقتي ما وقعش رسمي للزمالك، لكن النادي بيرحب بيه، واللاعب منتظر الأهلي ومطلبش شروط”.
واختتم شوبير حديثه قائلًا: “محمد شريف خاض تجربة مش مكتملة في الخليج، وماحققش كل اللي كان بيتمناه، وده طبيعي يخليه يفكر في الرجوع لمصر. بيتقال إنه عنده عروض تانية غير الزمالك، وده من حقه يختار اللي يناسبه، ومحدش يزعل. لو كنت أهلاوي وبتحب شريف، مش المفروض تزعل إنه راح الزمالك، خصوصًا إن الأهلي ما طلبش يرجعه، وهو لاعب حر”.
