الزمالك مش هيضيع ولا هينهار.. أيمن يونس يعلق عن الوضع الحالي بالزمالك و رد فعل اللاعبين القدامى

تعليق مثير من أيمن يونس عن الوضع الحالي بالزمالك .

تحدث نجم نادي الزمالك السابق أيمن يونس من خلال لقاء مع إبراهيم عبدالجواد على قناة اون سبورت و قال : نادي الزمالك مش هيضيع ولا هينهار ولو الكل ساكت دلوقتي علشان في مسؤولين محترمين ماسكين النادي فالكل مستني يشوف هيعلموا ايه وكلنا عايزين نخدم

و تابع : انت مش شايف حجم الانهيار اللي فيه الناس النهاردة  اللعيبه القدامى في الجروبات منهارة وكلهم عايزين يروحوا النادي بس احنا مش هنفرض نفسنا على المسؤول في النادي حاليا

و أضاف : لكن هما لازم ينظموا نفسهم ولازم الناس تشتغل بشكل احترافي بقى ويبقى في هيكلة بجد وادارة محترفة .. هاتوا ميدو محترف وهاتوا حازم امام محترف لازم شغل احترافي مش بالجدعنه

و أتم : لو فضلتوا ماشيين بالجدعنه والمسكنات ونعمل حاجة علشان نبنج الناس ونسكتها يبقى مش هنتعلم ومش هنوصل لحاجة