المتحدث الرسمي بالزمالك.. يكشف عن دور والد نجم الزمالك “زيزو” في التجديد “اخبار من خيال صاحبها”

علق أحمد سالم المتحدث الرسمي بإسم الزمالك على ملف أحمد سيد زيزو لاعب الفريق فى ظل انتهاء تعاقده مع النادى، وربط اسمه بالانتقال للنادى الاهلى.

و قال أحمد سالم المتحدث الرسمي لنادي الزمالك عبر قناة ام بي سي مصر 2 : ابو زيزو راجل محترم وله كل الاحترام والتقدير وهو من حقه يخاف على مستقبل ابنه وفي مبالغه في اللي بيثار عنه

و تابع : كل الكلام اللي بيطلع عن تلقيه أموال أو أي أموال أخرى كلها من أنواع الإثارة ولو في شيكات اللي بيتكلم ده مطلعهاش ليه

و اضاف : مين قال المفاوضات مع زيزو متوقفه!! كل الكلام اللي بيثار ده اجتهادات فقط

و اوضح : نفس القصه دي حصلت معانا يوم أحمد فتوح وكان ناس بتطلع تقول مضى وقبض ولبسوه التيشيرت واحنا متكلمناش يومها وردينا بالاعلان عن تجديده

و أردف : مفيش إطار زمني لتجديد زيزو لان الموسم لسه هينتهي في شهر يونيو ومفيش حد محدد وقت للموضوع

و أتم : 90% من أخبار زيزو من خيال صاحبها التي تصدر في الإعلام المصري