نشر محمد الدماطي، عضو مجلس إدارة النادي الأهلي، تدوينة عبر حسابه الرسمي على موقع التواصل الاجتماعي “فيس بوك”، أعرب خلالها عن دهشته من ردود الفعل الواسعة التي أثارها ظهوره الأخير في بودكاست تم تسجيله عقب أزمة مباراة الأهلي والزمالك.
وقال الدماطي: “بعد أسبوع كامل من إذاعة البودكاست، مكنتش متخيل حجم التأثير ده خالص. الحوار اتعمل بعد الأزمة مباشرة، وقبل ما ناخد قرار كإدارة إن محدش يتكلم عن الموضوع”.
وأضاف: “سعيد جدًا بردود أفعال جمهور الأهلي وبشكرهم على الدعم، وبتمنى أكون وفقت في شرح وجهة نظري بهدوء. لكن زعلت من كم الكلام اللي اتاخد بشكل مقتطع عشان نطلع بعناوين تثير الجدل وتزود المشاهدات، مش فاهم الهدف من كده”.
واختتم الدماطي تدوينته قائلاً: “جمهور الزمالك زعل من كلام قلته، وده متوقع، لكن محدش ركز قد إيه أنا حاولت أوضح إن الكرة في مصر من غير الأهلي والزمالك ملهاش طعم، وإن الزمالك مر بأزمات إدارية مالوش الجمهور ذنب فيها. وفي النهاية جمهور الزمالك دول أهلنا وأصحابنا وعيلتنا، ومستحيل تكون في عداوة حقيقية. هي في الآخر رياضة وكورة، وشكرًا.. وكل سنة وأنتم طيبين”.
