تعتبر خيانة.. ميدو عن تصرف “زيزو” قبل لقاء مصيري للزمالك في بطولة الكونفدرالية “هيبه و كرامة النادي”
كشف أحمد حسام “ميدو”، عضو اللجنة الفنية بنادي الزمالك، عن تفاصيل جديدة تتعلق بأزمة استبعاد أحمد سيد “زيزو” من مواجهة ستلينبوش الجنوب أفريقي، مؤكدًا أن اللاعب تواجد في السفارة الأمريكية قبل يوم واحد فقط من المباراة، وهو ما اعتبرته الإدارة أمرًا غير مقبول في توقيت حساس للفريق.
وقال ميدو في تصريحات إعلامية: “النهاردة عندي لاعب كان متواجد في السفارة الأمريكية قبل يوم من مباراة مصيرية في بطولة إفريقية، ومعانا إثبات رسمي على ده. يبقى انت مش زي باقي اللاعبين، ولازم أحافظ على هيبة وكرامة النادي”.
وأضاف: “في توقيت معين، لازم كل لاعب يعرف إنه بيمثل نادي الزمالك، وده شرف كبير. مهما كنت نجم، الزمالك أكبر منك، وهي دي الحقيقة نعم زيزو نجم كبير، لكن إحنا نقدر نصنع غيره مفيش حد أكبر من الكيان”.
وأشار ميدو: “زيزو موجود وهيتمرن مع الفريق، وبيتم التعامل معاه باحترافية. مفيش نية لتجميده، وبيتدرب حاليًا بشكل منفرد حفاظًا على الهدوء داخل الفريق، خصوصًا في الفترة الجاية اللي مش محتاجة أي لغط”.
وتابع: “احنا ملتزمين بتقديم كل الخدمات لزيزو لحد آخر يوم في عقده، زي ما بيحصل مع أي لاعب. سمعة الزمالك تهمنا، ومش هندخل في أي مشاكل علشان نحافظ على صورة النادي”.
