تعليق ساخر من عمرو أديب على تعادل الأهلي مع بيراميدز و عن رحيل كولر “أوعوا تمشوا”
علق الإعلامي عمرو أديب على تعادل الأهلي أمام نظيره بيراميدز، بهدف لكل فريق، مساء السبت، في الجولة الثانية من المرحلة النهائية ببطولة الدوري الممتاز.
وقال أديب خلال برنامج «الحكاية» عبر قناة «mbc مصر»، مساء الجمعة، إن التعادل بطعم الهزيمة للأهلي، وبطعم الفوز بالنسبة لبيراميدز، متابعًا: «الأهلي في أسوأ حالاته، قلبي يقطر دما».
وأضاف: «بس بجد هو في نادي عنده الحظ ده، أنا قاعد مستنى التعادل، الأهلي مالوش حل، الأهلي لازم يتعادل، مع الأهلي الحكم مش بيصفر، مش عشان إنه متحيز، لأ، هو كده، في حاجة كونية، كده، الأهلي لازم يجيب جون في الدقيقة 96».
وتابع أديب ساخرًا ردًا على مطالبات البعض بإقالة مدرب الأهلي مارسيل كولر: «اوعوا تمشوا كولر.. ده مدرب عظيم وهايل، ده لازم يكمل مع الأهلي سنة واتنين وتلاتة، وبعدين حلاوته بقى آخر الموسم لما يتخصم من الأهلي الثلاثاء نقاط، أنا مش ناسي».
وأكمل: «هفضل قاعد مستني الـ 3 نقاط، ما ضاع حق وراءه عمرو أديب، بلا عدالة مفيش كورة ومفيش دوري، فكرة عايز تكسب وخلاص، اللعب نفسها ملهاش طعم، بوخت، بالعدالة نقدر نصل لدوري فيه منافسة ومتعة. الأهلي في أسوأ حالاته، ولا يستحق الحصول على الدوري».
