علق أحمد حسام “ميدو”عضو لجنة التخطيط بالنادي الزمالك، على تصريحات زيزو الأخيرة وقال ميدو في تصريحات إعلامية مع الإعلامي إبراهيم عبدالجواد على قناة اون سبورت : التصريحات اللي طلعت من زيزو أن الناس ضده ومش حباه يكمل في الزمالك ده كله غير صحيح
و تابع ميدو : مفيش حد في الزمالك كان عنده كراهيه ضد زيزو ابدا وهو اللي اختار يخرج من الباب الصغير في وجهه نظري ووجهه نظر اي زملكاوي الى أن يجد جديد
و أضاف : بقالنا فتره بنحاول نتواصل مع زيزو لعقد جلسه ومكنشي في استجابه حتى العرض الرسمي اللي قدمناه للاعب متمش الرد عليه لحد دلوقتي
و عن الإستبعاد : ليه زيزو محدش تاني استبعد؟ لان صعب يكون في مباراة مهمة للنادي والاقي اللاعب بتاعي رايح السفارة الأمريكية يستخرج تأشيرة في التوقيت ده ومعانا اثباتات على كده وده كان يؤكد أن تفكيره خارج المباراة فتم استبعاده
و أتم : زيزو مستمر مع الزمالك لاخر يوم في عقده وهينزل التدريبات وهنتعامل معاه بشكل احترافي كامل لآخر يوم في عقده
