تصريحات نارية من ستيف باركر المدير الفني لنادي ستيلينبوش الجنوب افريقي قبل مواجهه الزمالك.
و قال : إحنا دلوقتي بنستعد لمباراة الإياب ضد الزمالك في ربع نهائي كأس الكونفدرالية الأفريقية والمباراة الأولى كانت صعبة جدًا، لكن خرجنا بنتيجة إيجابية تساعدنا في القاهرة
و اضاف : نتيجة لقاء الذهاب بتدينا أمل كبير إن إحنا نقدر نكمل في البطولة
و تابع : الزمالك فريق قوي جدًا، هو بطل النسخة اللي فاتت، وإحنا عارفين إن الأجواء في القاهرة هتبقى صعبة جدا ومليانة ضغط، لكن إحنا مركزين جدًا على التأهل
و أكمل : إحنا بنحلل أداء الزمالك كويس جدًا، وبنحاول نلاقي نقاط ضعفهم عشان نستغلها
و أوضح : التحليل بقى جزء مهم جدًا من استعداداتنا، لأنك لازم تفهم الخصم كويس عشان تقدر تتعامل معاه
و أردف : إحنا كمان بنشتغل على نفسيتنا وعلى تركيزنا، لأن المباراة دي هتبقى تحدي كبير، مش بس على المستوى الفني، لكن كمان على المستوى الذهني
و أسترد : الكرة الجنوب أفريقية بتتطور بشكل كبير، وإحنا كفريق بنحاول نكون جزء من التطور ده
و أستكمل : الوصول لربع النهائي في أول مشاركة لينا في البطولة دي حاجة كبيرة، وإحنا عايزين نثبت إن الكرة الجنوب أفريقية قادرة تنافس أقوى الفرق في القارة
و أتم : إحنا بنطلب من جماهيرنا إنهم يدعمونا ويدعموا اللعيبه ويبقوا معانا بقلبهم، لأن دعمهم بيفرق معانا كتير ، شكرًا ليكم، وإن شاء الله نرجع بنتيجة إيجابية من القاهرة والتأهل يكون من نصيبنا
