رد ناري من الإعلامي عمرو أديب على تصريحات أحمد شوبير التي تحدث فيها عن اللاعب أحمد السيد زيزو لاعب الزمالك المنتقل إلى الأهلي.
شوبير كان قد تحدث قائلا: سألت المقربين من زيزو، عندك استعداد تدرب في الزمالك؟ قالوا من بكره، ولكن يأمنوني، هكون ضامن الناس إزاي؟، عندك نهائي الكأس ولسه 6 مباريات في الدوري، شئت أم أبيت زيزو هو 50% من الزمالك، إيه المانع من أنه يدرب ويشارك، وهو لاعب بروفيشنال يستحمل هجوم الجماهير’
ليرد عمرو أديب عبر حسابه على موقع التواصل الاجتماعي “اكس” قائلا:
بص يا كابتن احمد يا حبيبي ، لو الزمالك كان بيلعب فى نهائى كاس العالم للانديه المباراه اللى بعدها تبقى بطل العالم ، وفى اخر ثانيه فى ضربه جزاء ومحتاجين زيزو ينزل يلعبها علشان نبقى ابطال العالم والتاريخ ، نكمل الماتش من غير زيزو ونستمتع بالكوره وهى بتضرب فى العارضه ونروح نحضن الشبل الزملكاوي اللى ضيعها ونقوله الرياضه مش اجوال وبطولات ، الرياضه فروسيه ومجدعه وعشق للنادى تحت اي ظرف ، هنيئا لكم بزيزو لا هو الا حيزود بطولاتكم ولا هو اللى حيقلل بطولاتنا
