كشف الإعلامي عمرو أديب عن رساله تلقاها بشأن إستمراره في الزمالك من عدمه
وقال الإعلامي عمرو أديب عبر برنامج الحكايه على قناة ام بي سي مصر :•في رساله وصلتلي وهي بالنسبالي زيزو بيحب الزمالك ووالد زيزو بيحب الزمالك وعايز يكمل في الزمالك ودي الرساله اللي وصلتلي وانا عارف بقول ايه
وتابع : الأهلاوية بيقولولي هو انتوا ليه ميتين على زيزو .. طيب انا عايز أسأل الأهلي انتوا اللي ليه ميتين على زيزو؟
وواصل : انتووا عمالين تلفوا على زيزو ليه؟ مش تسألني أنا.. محدش يقولي الأهلي بأبناءه دي تاني ولا اسمعها من حد
وأكمل : أنا مش شايف أبناء الأهلي خالص هاتلي اسم اسم كده وشوف
وشدد: محدش يقولي أنت ليه متمسك بزيزو .. ده الزمالك عمله وابن الزمالك لازم نتمسك بيه مش العكس
وأوضح :أنا مش عايز الموضوع يتحول كأنه حرب كل شويه لاعب بيروح من هنا لهنا .. لان مفيش حد بيجي من هناك لهنا
وتابع : يا اخي عيش ودعى الناس تعيش .. هتعمل ايه بكل الناس دي ..
وأتم : في النهايه الرساله اللي جتلي أن زيزو عايز البقاء في الزمالك وان اي حد بيقول في أمور في حته تانيه خلصت غير موجود والرساله قولتها كما وصلتلي
