vرد محمد بركات عضو مجلس ادارة اتحاد الكرة المصري السابق عن حديث ايهاب الكومي عن توجيه الدوري إلى بيراميدز.
وقال محمد بركات عبر قناة ام بي سي مصر 2 : عن تصريح إيهاب الكومي؟ أنا نفسي اتفاجئت بيه ومحصلشي أن في اي حد في اتحاد الكرة عايز يوجه الدوري لبيراميدز .
وواصل : محدش طلب مننا اصلا يتم توجيه الدوري لبيراميدز والكلام ده محصلشي اطلاقا .
وتابع : الكلام ده غلط وخطير معنى أن تقول حد يطلب يوجه الدوري يعني احنا في تواطئ في الدوري المصري وده محصلشي .
وأكد : هو بيراميدز بكل اللعيبه اللي فيه ميقدرشي يكسب الدوري لوحده؟ يقدر يكسب عادي جدا.
وأوضح : بمناسبه الحديث عن توجيه الدوري المصري لنادي بيراميدز وعلشان اقولك الكلام ده محصلشي .
وأكمل : الموسم اللي فات الأهلي كان هيلاعب بيراميدز مرتين في عشر أيام وودارت مشكله بسبب أن بيراميدز كان عايز ابراهيم عادل ومحمود صابر يلعبوا مباراة الأهلي ويسافروا والأهلي كان رافض .
وشدد : وقتها اللي حصل أن اتحاد الكرة قال إبراهيم عادل تحديداً هينضم لمعسكر منتخب مصر لاننا رايحين الأولمبياد وده اللي حصل وملعبشي مباراة الأهلي .
وأتم : لو احنا عايزين نوجه الدوري لبيراميدز كنا خلينا ابراهيم عادل لعب مباراة الأهلي وخدنا لعيبه الأهلي معسكر منتخب مصر مثلا.
