تعليق ناري أحمد عيد عبد الملك لاعب الزمالك السابق عن الأحداث المثيرة و النارية بشأن انتقال و توقيع زيزو للأهلي .
وعبر صفحته الشخصية على موقع التواصل الاجتماعى فيس بوك كتب أحمد عيد عبد الملك قائلاً : الزمالك بقاله سنين ماشي اليوم بيومه مفيش ترتيب للمستقبل بربع جنيه مع تعاقب الادارات الي مفيش اختلاف بين كل الادارات ومفيش اي منطق لأي حاجة بيعملوها و بتحصل فالنادي بتكسب بطولات بالصدفة علشان جمهورك وبيجيلك لاعيبة علشان تاريخك والي مقومك الجمهور وتاريخ النادي يعني مفيش نظام من زمن و ده الي بيوصلك للحال الي انت فيه حتي اما اتعشمنا في ناس المفروض نضيفة جاية تنقلك لمرحلة النظام بعد سنة ونص محدش فيهم موجود فالمشهد كله مستخبي.
و أضاف : ومصدرين ناس عندهم رصيد عند الجمهور يشيلو عنهم
و تابع : مجلس وصلك للوضع الحالي في قصة تجديد لاعب عمال يبيع ويشتري فالنادي هو وابوه ومقدرتش تبيعه فالصيف خوفاً من الجمهور .
و أكمل : وانهاردة بتحصد كل ده لاعب بيروح للمنافس بكل سهولة انت وهو متخاذلين واحد ادارياً صفر والتاني طماع عاوز كل حاجة فالدنيا وهو عامل اسوء موسم ليه وخلي الناس المسؤولة تصدقه وتكتب انه هيجدد ولبسهم مع الجمهور .
و أوضح : مفيش نادي بيقف علي لاعب فعلاً بس مش كل اللاعيبة بتتعوض بقالك ٥ سنين بتفقد اهم لاعيبة في افريقيا ومش عارف تعوضهم النادي مش هيقفل بس هتاخد بطولة كل فين وفين بالصدفة .
و أتم : كل حاجة في المتناول والرجوع للمنافسة في مصر فالمتناول مفيش حاجة منطقية طالما تقدر تدفع ٨٠ و١٠٠ مليون فالسنة للاعب هو كان جاي رقم ٥ في مكانه يبقي تقدر ترجع لو عندك ناس بتفهم و بتحب المكان بس وبتفكر صح بعيد عن تفكير الادارة الضعيفة الي لازم يبعدو عن ملف الكرة نهائي الي اثبتو فشلهم في ٣ فترات قيد للفريق طلعت بلاعب واحد بس !!
