المنتج السينمائي جمال العدل خرج بتصريحات نارية عبر برنامج “زملكاوي” على قناة الزمالك، هاجم فيها كل ما يحدث ضد النادي.
وقال جمال العدل: “اللي بيحصل تجاه الزمالك مسرحية هزلية على كل المستويات.. ومش قادر أصدق اللي بيحصل في الكرة المصرية، شكلنا بقى سيء في الوطن العربي”.
وأضاف: “جماهير الزمالك مش بتقبل اللاعب اللي يتجاوز في حق النادي، عكس أندية تانية، والزمالك بيتهاجم في الإعلانات والناس بتتهكم عليه وده مرفوض تمامًا”.
وأكد: “اتكلمنا مع أحمد دياب وقال إن الأهلي هيتخصم منه 6 نقاط بلا نقاش، وبعدها رجع في كلامه! اسألوه ليه؟ ليه العقوبات مش بتطبق؟ الأهلي انسحب 7 مرات وماحدش عاقبه، بيخترعوا أسباب”.
وتابع: “إزاي الدوري المصري يوصل يكون من أسوأ 4 دوريات في العالم؟ هل بقينا زي دوري جيبوتي أو الصومال؟!”.
وختم كلامه قائلًا: “جماهير الزمالك هي الضلع الأهم في النادي، والموسم الجاي هيكون مختلف، ولازم الكبار يتدخلوا ويكون في نظام علشان تنجح الكورة في مصر”.
