هاجم مجدي عبدالغني نجم الأهلي السابق، اللاعب محمود كهربا، في تصريحات نارية من خلال بودكاست “مان تو مان”، بسبب الأزمة الطويلة بين الطرفين بعد توقيع كهربا لنادي الزمالك ثم انتقاله للأهلي.
وقال عبدالغني: “كهربا مش صادق خالص، وأنا عندي أدلة، وهو بيقول اللي هو عايزه عليا، بس ربنا مش هيكرمه إن شاء الله لأنه مش صادق”.
وأضاف: “كهربا كان بيقولي إنت أبويا وعمّي وخالتي، ورفع عليا السماعة يقولي أروح الزمالك ولا الأهلي؟ قولتله الأهلي أفضل بس قولتله عملت إيه!؟”.
وتابع: “لقيته بيقولي ماضي للزمالك وواخد فلوس، وأنا نصحته ساعتها قولتله متعاديش جمهور الزمالك، وكمل عقدك وبعدين قرر، لكن هو عمل كوبري وراح الأهلي في آخر الموسم”.
وأوضح: “أنا ظلمته في إيه؟! ده واحد موقع مع الزمالك والفيفا غرّمه، لو مش موقع كان الفيفا قال لأ، وكمان هو كان بيمضي على بياض وياخد فلوس ويبوس المستشار مرتضى منصور ويقوله أبويا وعمّي”.
واختتم عبدالغني كلامه برسالة غير مباشرة: “التعليم مهم جدًا، اللاعب المتعلم بيوصل، إنما الجاهل مهما كان حريف كورة مش هيكمل”.
